„კაცს, რომელიც 17 წლის მერე პირველ შვილს ელოდება...“ – რას წერს გელა დაიაური ზვიადაურზე

© photo: Gela Daiauri / FBგელა დაიაური
გელა დაიაური - Sputnik საქართველო, 1920, 19.08.2021
გამოწერა
პოეტი გელა და­ი­ა­უ­რი წი­ნან­დალ­ში მომ­ხდარ სის­ხლი­ან გარ­ჩე­ვას სო­ცი­ა­ლურ ქსელში ეხ­მა­უ­რე­ბა და გან­ზრახ მკვლე­ლო­ბის ბრალ­დე­ბით და­კა­ვე­ბუ­ლი ოლიმ­პი­უ­რი ჩემპიონის ზუ­რაბ ზვიადაურის შესახებ პოსტს აქვეყნებს.
„კაცს, რომელსაც ძმა და მეგობარი მოუკლეს და მოგერიების მიზნით მკვლელს ესროლა, მერე მკვლელი საავადმყოფოში გადაიყვანა და ჩაბარდა პოლიციას, კაცს, რომელმაც თავისი ქვეყანა ასახელა ოლიმპიადის მოგებით, კაცს, რომელიც 17 წლის მერე პირველ შვილს ელოდება, თუ ციხისთვის გაიმეტებთ, შეგირცხვათ სინდისიც, სამართალიც და ქვეყანაც“, – წერს დაიაური.
ოლიმპიური ჩემპიონი ძიუდოში და საქართველოს პარლამენტის ყოფილი დეპუტატი ზურაბ ზვიადაური 17 აგვისტოს დააკავეს. მას ბრალი საქართველოს სსკ-ის 108-ე მუხლით წარუდგინეს, რაც განზრახ მკვლელობას გულისხმობს. გამოძიება ზვიადაურს 27 წლის ნიკოლოზ კენჭოშვილის მკვლელობას ედავება.
შემთხვევა 16 აგვისტოს თელავის მუნიციპალიტეტის სოფელ წინანდლის მიმდებარე ტერიტორიაზე მოხდა. რამდენიმე პირს შორის ყოფით ნიადაგზე დაწყებული ურთიერთშელაპარაკება ფიზიკურ დაპირისპირებაში გადაიზარდა, რასაც ორმხრივი სროლა მოჰყვა.  აღნიშნული დაპირისპირებისას ახმეტის მკვიდრმა ვასილ ცოცხალაშვილმა ამჟამად ბრალდებულის სახით დაკავებული ჯაბა ჯანგირაშვილის სახელზე რეგისტრირებული ცეცხლსასროლი იარაღიდან ცეცხლი გახსნა, რასაც ამ დაპირისპირებაში მონაწილე ნიკოლოზ კენჭოშვილის მხრიდან ასევე ცეცხლსასროლი იარაღიდან საპასუხო სროლა მოჰყვა.
მოსამართლის ჩაქუჩი - Sputnik საქართველო, 1920, 19.08.2021
მკვლელობა კახეთში: ზურაბ ზვიადაურსა და ჯაბა ჯანგირაშვილს პატიმრობა შეეფარდა
შედეგად, კენჭოშვილის მიერ განხორციელებული სროლის შედეგად ოთხი პირი დაიჭრა. მიღებული დაზიანებებით ორი პირი – ზურაბ ზვიადაურის ძმა ზვიად ზვიადაური და მისი მეგობარი ვასილ ცოცხალაშვილი შემთხვევის ადგილზე გარდაიცვალნენ, ხოლო ორს შესაბამისი სამედიცინო დახმარება ჩაუტარდა.
გამოძიების მტკიცებით, ზურაბ ზვიადაურმა, რომელიც ამ კონფლიქტში მონაწილეობდა, საკუთარ სახელზე რეგისტრირებული იარაღით სასიკვდილოდ დაჭრა ნიკოლოზ კენჭოშვილი.
ზვიადაურის ადვოკატები წარდგენილ ბრალს არ ეთანხმებიან და ამბობენ, რომ ყოფილი დეპუტატი აუცილებელი მოგერიების ფარგლებში მოქმედებდა. ამავე პოზიციაზეა თავად ზვიადაური და ის ბრალს არ აღიარებს.
 
ყველა ახალი ამბავი
0