„ჩვენი გეგმა გვაქვს“ - რატომ არ ჩქარობს გახარიას პარტია მერობის კანდიდატების წარდგენას

© photo : Government of Georgia / FBგიორგი გახარია
გიორგი გახარია - Sputnik საქართველო, 1920, 17.08.2021
გამოწერა
გახარიას თქმით, პარტია ჯერჯერობით დაკავებულია რეგიონებში ოფისების გახსნით, შემდეგ კი წარადგენს მერობის და საკრებულოს დეპუტატობის კანდიდატებს
თბილისი, 17 აგვისტო — Sputnik. პარტია „საქართველოსთვის“ მოქმედებს საკუთარი გეგმის მიხედვით და ჯერ პარტიული ოფისების გახსნას დაასრულებს, შემდეგ კი კანდიდატებს წარადგენს, განაცხადა საქართველოს ყოფილმა პრემიერმა, პარტიის ლიდერმა გიორგი გახარიამ.
გიგა ბოკერია - Sputnik საქართველო, 1920, 16.08.2021
„ევროპულმა საქართველომ“ მერობის კანდიდატები წარადგინა
საქართველოში სრული სვლით მიმდინარეობს წინასაარჩევნო კამპანია ადგილობრივი არჩევნების წინ, რომელიც 2 ოქტომბერს ჩატარდება. 2021 წლის ადგილობრივი არჩევნებისთვის რაიონებში მერობის კანდიდატები წარადგინეს მმართველმა პარტიამ „ქართული ოცნება - დემოკრატიული საქართველო“, ყველაზე მსხვილმა ოპოზიციურმა პარტიამ „ერთიანი ნაციონალური მოძრაობა“ და ასევე „ევროპულმა საქართველომ“. გახარიას პარტიას ჯერჯერობით მხოლოდ ერთი კანდიდატი ჰყავს - ოზურგეთში.
„ჩვენ ჩვენი გეგმა გვაქვს, ჩვენ ამ გეგმას მივუყვებით. კიდევ ერთხელ ხაზგასმით აღვნიშნავ, რომ ჩვენი გამოწვევები ცოტა სხვა არის, ეს არის ის პოლიტიკური გამოწვევები, პოლიტიკური პარტიები, რომლებიც უკვე წლებია, ინფრასტრუქტურულად ჩამოყალიბებული არიან. ჩვენ ამისთვის დაგვჭირდება ცოტა მეტი დრო, მაგრამ ყველაფერს გავაკეთებთ ბევრად ხარისხიანად. ამიტომ, მაქსიმალურად გამოვიყენებთ ჩვენს დროს, არსად არ გვეჩქარება“, - განაცხადა გახარიამ.
ნიკა მელია მოსახლეობას ხვდება - Sputnik საქართველო, 1920, 15.08.2021
„ნაცმოძრაობამ“ მერობის კანდიდატები წარადგინა
პარტია „საქართველოსთვის“ გახარიამ 2021 წლის ივნისში ჩამოაყალიბა. პარტიის ძირითად ბირთვს სხვადასხვა უწყებაში მომუშავე ყოფილი ჩინოვნიკები შეადგენენ.
გამოკითხვების შედეგებით, ამჟამად გახარიას პარტიას პოპულარობის მიხედვით მმართველი „ქართული ოცნებისა“ და ოპოზიციური „ნაციონალური მოძრაობის“ მერე მესამე ადგილი უკავია.
აშშ-ის საერთაშორისო რესპუბლიკური ინსტიტუტის (IRI) 15–30 ივნისს ჩატარებული კვლევის შედეგებით, გახარიას პარტიას რესპონდენტების 9% უჭერს მხარს.
ყველა ახალი ამბავი
0