საქართველოში დღეს უკვე მესამე მიწისძვრა მოხდა

© AFP 2024 / OLIVIER MORINსეისმოგრამა
სეისმოგრამა - Sputnik საქართველო, 1920, 16.08.2021
გამოწერა
ბოლო პერიოდში სოფელი სამება სეისმურად აქტიური წერტილი გახდა – აქ თითქმის ყოველდღე ფიქსირდება მცირე ბიძგები.
თბილისი, 16 აგვისტო — Sputnik. ქალაქ დმანისიდან 24 კილომეტრში, სოფელ სამებასთან 3.1 მაგნიტუდის მიწისძვრა მოხდა, იუწყება სეისმური მონიტორინგის ეროვნული ცენტრი.
მიწისქვეშა ბიძგები თბილისის დროით 19:56 საათზე დაფიქსირდა. ეპიცენტრი 9 კმ სიღრმეში მდებარეობდა.
დღეს აღნიშნულ ლოკაციაზე ეს უკვე მესამე მიწისძვრაა.
სეისმოგრაფი - Sputnik საქართველო, 1920, 16.08.2021
მიწისძვრების სერია საქართველოში – რას ამბობენ სეისმოლოგები
ბოლო რამდენიმე თვეა, სოფელ სამებასთან მცირე სიმძლავრის მიწისქვეშა ბიძგები ხშირად ხდება, ხოლო აგვისტოს დასაწყისიდან – თითქმის ყოველდღე.
სპეციალისტები მიიჩნევენ, რომ სოფელ სამებასთან ხშირი მიწისქვეშა ბიძგები ყურადღებას საჭიროებს. როგორც ილიას სახელმწიფო უნივერსიტეტის პროფესორმა, სეისმოლოგმა ზურაბ ჯავახიშვილმა აღნიშნა, მიუხედავად იმისა, რომ ჯავახეთი სეისმურად აქტიური ზონაა და ამ რეგიონისთვის დამახასიათებელია „მიწისძვრების გუნდი", გახშირებული მიწისძვრები ყურადღებამისაქცევია. სპეციალისტები უახლოეს პერიოდში ამ საკითხს უფრო სიღრმისეულად შეისწავლიან.
ყველა ახალი ამბავი
0