საქართველოს და ბელარუსის უსაფრთხოების სამსახურები თანამშრომლობას იწყებენ

© photo: Sputnik / Viktor Tolochkoსაქართველოს და ბელარუსის დროშები
საქართველოს და ბელარუსის დროშები - Sputnik საქართველო, 1920, 14.08.2021
გამოწერა
მხარეებს წერილობითი მოთხოვნის საფუძველზე ერთმანეთის მონაცემთა ბაზებთან წვდომა ექნებათ და საჭიროების შემთვევაში უშიშროების ორგანოების თანამშრომლების შორის კონსულტაციების ჩატარების შესაძლებლობა ექნებათ
თბილისი, 15 აგვისტო - Sputnik. შაბათს საქართველოს უსაფრთხოების სამსახურსა (სუს) და ბელარუსის უშიშროების კომიტეტს შორის ამოქმედდა თანამშრომლობის შესახებ შეთანხმება, რომელიც რიგ საკითხებში უწყებების ერთობლივ მუშაობას ითვალისწინებს.
მხარეებმა შეთანხმებას ხელი 2016 წლის 25 მარტს მოაწერეს.
ირაკლი სესიაშვილი - Sputnik საქართველო, 1920, 13.05.2021
ირაკლი სესიაშვილი პრემიერ-მინისტრის მრჩეველი გახდა
შეთანხმების ტექსტის მიხედვით, მხარეები, ერთმანეთის ინტერესების გათვალისწინებით და საკუთარი ეროვნული კანონმდებლობების შესაბამისად, საერთაშორისო უშიშროების რიგ საკითხში ითანამშრომლებენ.
კერძოდ, უწყებებს შორის თანამშრომლობა იქნება გამოხატული ინფორმაციის გაცვლაში და მხარდაჭერაში ისეთ საკითხებში, რომელიც ეხება დანაშაულს საკონსტიტუციო წყობის, სუვერენიტეტისა და ტერიტორიული მთლიანობის წინააღმდეგ, საერთაშორისო კრიმინალს, ტერორიზმსა და კიბერტერორიზმს, ასევე იარაღის, რადიოაქტიური ნივთიერებებისა თუ ნარკოტიკების უკანონო ბრუნვას, საიდუმლო ინფორმაციის გახმაურებას.
გარდა ამისა, მხარეებს წერილობითი მოთხოვნის საფუძველზე ექნებათ წვდომა ერთმანეთის მონაცემთა ბაზებზე.
უშიშროების სამსახურები საჭიროების შემთხვევაში თავიანთ წარმომადგენლებს შეთანხმების ხელმომწერ ქვეყანაში საკონსულტაციოდ მიავლენენ.
ყველა ახალი ამბავი
0