https://sputnik-georgia.com/20210813/baTumis-dinamo-konferensligas-gamoeTiSa-252570554.html
გამარჯვება საკმარისი არ აღმოჩნდა – ბათუმის „დინამო“ „კონფერენს ლიგას“ გამოეთიშა
გამარჯვება საკმარისი არ აღმოჩნდა – ბათუმის „დინამო“ „კონფერენს ლიგას“ გამოეთიშა
Sputnik საქართველო
ძირითად დროში მოპოვებული გამარჯვების შემდეგ ორი მატჩის ჯამში გუნდებს შორის ფრე დაფიქსირდა და დამატებითი დრო დაინიშნა, სადაც ყველაფერი ერთი გატანილი გოლით... 13.08.2021-ს, Sputnik საქართველო
2021-08-13T10:16+0400
2021-08-13T10:16+0400
2021-10-19T18:03+0400
სპორტი
ახალი ამბები
საქართველო
https://cdnn1.img.sputnik-georgia.com/img/07e5/08/0d/252569539_0:287:2048:1445_1920x0_80_0_0_e080b454d4a3ef346c2682a33c2c15fc.jpg
თბილისი, 13 აგვისტო – Sputnik. ბათუმის „დინამო“ ძირითად დროში მოპოვებული გამარჯვების მიუხედავად უეფას „კონფერენს ლიგას“ მესამე საკვალიფიკაციო ეტაპიდან გამოეთიშა.ბათუმურმა კლუბმა განმეორებითი შეხვედრა თურქულ „სივასპორთან“ ძირითად დროში მინიმალური სხვაობით 1:0 მოიგო. მატჩი არცთუ სანახაობრივი გამოდგა, რადგან ნებისმიერ კარში გატანილ გოლს დიდი მნიშვნელობა ენიჭებოდა და გუნდებმა ფრთხილი ტაქტიკით თამაში არჩიეს. თუმცა მეორე ტაიმის 78-ე წუთზე ბენჟამენ ტეიდის გადაცემის შემდეგ გიორგი ფანცულაია ცარიელ კართან აღმოჩნდა და მომენტის რეალიზება აღარ გასჭირვებია (1:0).ვინაიდან ბათუმში გამართული პირველი შეხვედრა თურქული კლუბის გამარჯვებით (2:1) დასრულდა, გამარჯვებულის გამოსავლენად დამატებითი დროის დანიშვნა გახდა საჭირო. გია გეგუჩაძის გუნდი ძალიან ახლოს იყო ევროტურნირის პლეი-ოფთან, რომ არა 110-ე წუთზე გაშვებული დასანანი გოლი. დინამოელთა მეკარემ რამდენიმე სახიფათო დარტყმა მოიგერია, თუმცა თურქების მასირებული შეტევების მოგერიება საბოლოოდ მაინც ვეღარ მოახერხა და ჟორჟე ფელიქსმა საკუთარი გუნდისთვის უმნიშვნელოვანესი გოლი გაიტანა. დარჩენილ წუთებში ქართულმა კლუბმა ანგარიშის გათანაბრება ვეღარ შეძლო და ორი მატჩის ჯამში „დინამო“ დამარცხდა (3:2).აღსანიშნავია, რომ „სივასპორს“ ყველა ტურნირის ჯამში 20-მატჩიანი წაუგებელი სერია ჰქონდა. თურქული კლუბი ბოლოს თებერვალში დამარცხდა. ბათუმის „დინამო“ გამარჯვების შემთხვევაში დანიურ „კოპენჰაგენს“ შეხვდებოდა, სადაც საქართველოს ნაკრების მცველი დავით ხოჭოლავა ირიცხება.ბათუმის „დინამო" „კონფერენს ლიგის“ ტურნირში პირველი საკვალიფიკაციო ეტაპიდან ჩაერთო და სან-მარინოს „ტრე პენე“ ორი მატჩის ჯამში 7:0 დაამარცხა. გია გეგუჩაძის გუნდი შემდეგ ეტაპზე ბორისოვოს „ბატეს“ დაუპირისპირდა, რომელთანაც შინ 0:1 წააგო, მაგრამ სტუმრად სენსაციური გამარჯვება მოიპოვა (4:1) და მომდევნო ეტაპზე გავიდა. აღსანიშნავია, რომ ბათუმელებისთვის ევროთასებზე კლუბის ისტორიაში ეს საუკეთესო შედეგია.
https://sputnik-georgia.com/20210722/uefas0konferens-liga-baTumis-dinamo-Sin-belarusis-batesTan-damarcxda-252395188.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
სპორტი, ახალი ამბები, საქართველო
სპორტი, ახალი ამბები, საქართველო
გამარჯვება საკმარისი არ აღმოჩნდა – ბათუმის „დინამო“ „კონფერენს ლიგას“ გამოეთიშა
10:16 13.08.2021 (განახლებულია: 18:03 19.10.2021) ძირითად დროში მოპოვებული გამარჯვების შემდეგ ორი მატჩის ჯამში გუნდებს შორის ფრე დაფიქსირდა და დამატებითი დრო დაინიშნა, სადაც ყველაფერი ერთი გატანილი გოლით გადაწყდა.
თბილისი, 13 აგვისტო – Sputnik. ბათუმის „დინამო“ ძირითად დროში მოპოვებული გამარჯვების მიუხედავად უეფას „კონფერენს ლიგას“ მესამე საკვალიფიკაციო ეტაპიდან გამოეთიშა.
ბათუმურმა კლუბმა განმეორებითი შეხვედრა თურქულ „სივასპორთან“ ძირითად დროში მინიმალური სხვაობით 1:0 მოიგო. მატჩი არცთუ სანახაობრივი გამოდგა, რადგან ნებისმიერ კარში გატანილ გოლს დიდი მნიშვნელობა ენიჭებოდა და გუნდებმა ფრთხილი ტაქტიკით თამაში არჩიეს. თუმცა მეორე ტაიმის 78-ე წუთზე ბენჟამენ ტეიდის გადაცემის შემდეგ გიორგი ფანცულაია ცარიელ კართან აღმოჩნდა და მომენტის რეალიზება აღარ გასჭირვებია (1:0).
ვინაიდან ბათუმში გამართული პირველი შეხვედრა თურქული კლუბის გამარჯვებით (2:1) დასრულდა, გამარჯვებულის გამოსავლენად დამატებითი დროის დანიშვნა გახდა საჭირო. გია გეგუჩაძის გუნდი ძალიან ახლოს იყო ევროტურნირის პლეი-ოფთან, რომ არა 110-ე წუთზე გაშვებული დასანანი გოლი. დინამოელთა მეკარემ რამდენიმე სახიფათო დარტყმა მოიგერია, თუმცა თურქების მასირებული შეტევების მოგერიება საბოლოოდ მაინც ვეღარ მოახერხა და ჟორჟე ფელიქსმა საკუთარი გუნდისთვის უმნიშვნელოვანესი გოლი გაიტანა. დარჩენილ წუთებში ქართულმა კლუბმა ანგარიშის გათანაბრება ვეღარ შეძლო და ორი მატჩის ჯამში „დინამო“ დამარცხდა (3:2).
აღსანიშნავია, რომ „სივასპორს“ ყველა ტურნირის ჯამში 20-მატჩიანი წაუგებელი სერია ჰქონდა. თურქული კლუბი ბოლოს თებერვალში დამარცხდა. ბათუმის „დინამო“ გამარჯვების შემთხვევაში დანიურ „კოპენჰაგენს“ შეხვდებოდა, სადაც საქართველოს ნაკრების მცველი დავით ხოჭოლავა ირიცხება.
ბათუმის „დინამო" „კონფერენს ლიგის“ ტურნირში პირველი საკვალიფიკაციო ეტაპიდან ჩაერთო და სან-მარინოს „ტრე პენე“ ორი მატჩის ჯამში 7:0 დაამარცხა. გია გეგუჩაძის გუნდი შემდეგ ეტაპზე ბორისოვოს „ბატეს“ დაუპირისპირდა, რომელთანაც შინ 0:1 წააგო, მაგრამ სტუმრად სენსაციური გამარჯვება მოიპოვა (4:1) და მომდევნო ეტაპზე გავიდა. აღსანიშნავია, რომ ბათუმელებისთვის ევროთასებზე კლუბის ისტორიაში ეს საუკეთესო შედეგია.
