შესვლა მხოლოდ ვაქცინირებულთათვის: სად შეეზღუდებათ შესვლა აუცრელ მოქალაქეებს

© photo: Sputnikღია რესტორანი
ღია რესტორანი - Sputnik საქართველო, 1920, 13.08.2021
გამოწერა
დაავადებათა კონტროლის ეროვნული ცენტრის ხელმძღვანელი ამირან გამყრელიძე გამოდის ინიციატივით, სექტემბრიდან კიდევ უფრო გამკაცრდეს შეზღუდვები, რათა კორონავირუსის გავრცელების შეკავება მოხერხდეს
თბილისი, 12 აგვისტო – Sputnik. სექტემბრიდან კვების ობიექტებში, სპა სალონებში, ფიტნეს-ცენტრებსა და მსგავსი ტიპის დაწესებულებებში შესვლას შეძლებენ მხოლოდ აცრილი პირები ან ის მოქალაქეები, რომლებიც ბოლო 72 საათში ჩატარებული PCR–ტესტის ან ბოლო 24 საათში ჩატარებული სწრაფი ანტიგენის ტესტის უარყოფით პასუხს წარადგენენ, ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ საბჭოს სხდომის შემდეგ განაცხადა.
მისი თქმით, ამ ინიციატივით საბჭოს სხდომაზე დაავადებათა კონტროლის ეროვნული ცენტრის ხელმძღვანელი ამირან გამყრელიძე გამოვიდა.
ლაბორატორია, სადაც ტესტირება მიმდინარეობს - Sputnik საქართველო, 1920, 12.08.2021
კორონავირუსზე PCR და ანტიგენ-ტესტები შესაძლოა ფასიანი გახდეს
„დაავადებათა კონტროლის ეროვნული ცენტრის ხელმძღვანელმა დღევანდელ სხდომაზე საკოორდინაციო საბჭოს მიმართა რეკომენდაციით, სექტემბრიდან კვების ობიექტებში, სპა სალონებში, ფიტნეს-ცენტრებსა და მსგავსი ტიპის დაწესებულებებში პირთა დაშვება შესაძლებელი გახდეს ვაქცინით ერთი აცრის ან სრული კურსის, ბოლო 72 საათში ჩატარებული PCR ან ბოლო 24 საათში ჩატარებული სწრაფი ანტიგენის ტესტის უარყოფითი პასუხის საფუძველზე“, –განაცხადა ღიბრაძემ.
უახლოეს დროს საბჭო ამ რეკომენდაციას განიხილავს და გადაწყვეტილებას მიიღებს.
ყველა ახალი ამბავი
0