ზურაბიშვილმა თურქეთის პრეზიდენტი საქართველოში მოიწვია

© President of Georgiaსალომე ზურაბიშვილი
სალომე ზურაბიშვილი - Sputnik საქართველო, 1920, 11.08.2021
გამოწერა
მხარეებმა საქართველოსა და თურქეთს შორის ორმხრივი სტრატეგიული ურთიერთობების მნიშვნელობაზე, მათი განვითარებისა და გაღრმავების საჭიროებაზე ისაუბრეს.
თბილისი, 11 აგვისტო – Sputnik. საქართველოს პრეზიდენტმა სალომე ზურაბიშვილმა თურქეთის პრეზიდენტ რეჯეფ თაიფ ერდოღანთან საუბრისას მასშტაბური ხანძრებით დაზარალებული თურქი ხალხის მიმართ სოლიდარობა გამოხატა, ნათქვამია საქართველოს პრეზიდენტის ადმინისტრაციის განცხადებაში.
ზურაბიშვილმა საუბრისას თურქეთში ხანძრის შედეგად დაღუპულთა ოჯახებს მიუსამძიმრა და თურქ ხალხს სტიქიასთან ბრძოლაში გამძლეობა და წარმატება უსურვა.
ხანძრის კვამლი - Sputnik საქართველო, 1920, 03.08.2021
საქართველოს საელჩო თურქეთში მცხოვრებ თანამემამულეებს აფრთხილებს
თურქეთის პრეზიდენტმა მადლიერება გამოხატა მხარდაჭერისა და სოლიდარობისთვის და აღნიშნა, რომ საქართველო თურქეთისთვის არა მხოლოდ მეზობელი და სტრატეგიული პარტნიორი, არამედ მეგობარი ქვეყანაა და ეს დიდი მეგობრობა საქართველომ განსაცდელის ჟამს კიდევ ერთხელ დაადასტურა.
გარდა ამისა, მხარეებმა საქართველოსა და თურქეთს შორის ორმხრივი სტრატეგიული ურთიერთობების მნიშვნელობაზე, მათ განვითარებაზე და იმ შესაძლებლობების გაღრმავების საჭიროებაზე ისაუბრეს, რომლებიც არსებობს ინფრასტრუქტურის, ენერგეტიკისა და ტრანსპორტის სფეროებში.
საქართველოს პრეზიდენტმა საუბრის დასასრულს ერდოღანი საქართველოში ოფიციალური ვიზიტით მოიწვია.
უკვე რამდენიმე დღეა თურქეთში ხანძარი მძვინვარებს. ამ დროისათვის საკმაოდ ძლიერი ცეცხლია თურქეთის ორ პროვინციაში - მუღლაში და ისპარტაში. ხანძრების შედეგად თურქეთის სამხრეთ და დასავლეთ სანაპიროებზე სულ მცირე რვა ადამიანი დაიღუპა.
ყველა ახალი ამბავი
0