მკვლელობა კასპში: ბრალდებულს პატიმრობა შეეფარდა

© Sputnik / Alex Shlamovგორის სასამართლო
გორის სასამართლო - Sputnik საქართველო, 1920, 08.08.2021
გამოწერა
26 წლის ლ.ხ.-ს 50 წლის მამაკაცის განზრახ მკვლელობისთვის 7-დან 15 წლამდე თავისუფლების აღკვეთა ემუქრება
თბილისი, 8 აგვისტო – Sputnik. გორის რაიონულმა სასამართლომ განზრახ მკვლელობაში ბრალდებულ ლ.ხ.-ს აღკვეთის ღონისძიების სახით პატიმრობა შეუფარდა, იუწყება ტელეკომპანია „იმედი“.
კასპის მუნიციპალიტეტის სოფელ ახალქალაქში 6 აგვისტოს 50 წლამდე მამაკაცი მოკლეს.
გავრცელებული ინფორმაციით, მკვლელობას წინ უძღოდა სიტყვიერი დაპირისპირება, რომელიც სოფელში მდებარე ლუდის ჯიხურთან დაიწყო. დაპირისპირების შედეგად ასევე დაჭრილია ორი ადამიანი. ისინი სასწრაფო დახმარებამ კლინიკაში გადაიყვანა. რაც შეეხება დამნაშავეს, მან შემთხვევის ადგილიდან მიმალვა მოასწრო. ბოროტმოქმედი პოლიციამ ცხელ კვალზე დააკავა.
დაკავება - Sputnik საქართველო, 1920, 08.08.2021
მკვლელობაში ბრალდებულ ბერს პატიმრობა შეეფარდა
შინაგან საქმეთა სამინისტროს მიერ ჩატარებული გამოძიებით დადგინდა, რომ 6 აგვისტოს, კასპის რაიონის სოფელ ახალქალაქში, მაღაზიის მიმდებარე ტერიტორიაზე ლ.ხ.-მ შურისძიების მოტივით გ.გ.-ს დანით გულმკერდის არეში ჭრილობა მიაყენა. მიღებული დაზიანების შედეგად, გ.გ. საავადმყოფოში გარდაიცვალა.
სამართალდამცველებმა ლ.ხ. იმავე დღეს დააკავეს. მას ბრალდება სსკ-ის 108-ე მუხლით წარედგინა, რაც განზრახ მკვლელობას გულისხმობს და სასჯელის სახედ და ზომად ითვალისწინებს თავისუფლების აღკვეთას 7-დან 15 წლამდე.
სისხლის სამართლის საქმეზე გამოძიება გრძელდება.
ყველა ახალი ამბავი
0