დავით ზალკალიანი საბერძნეთში მასშტაბური ხანძრების გამო მწუხარებას გამოთქვამს

© Facebook / David Zalkalianiდავით ზალკალიანი
დავით ზალკალიანი - Sputnik საქართველო, 1920, 06.08.2021
გამოწერა
საგარეო უწყება დიასპორის წარმომადგენელებს სიფრთხილისკენ და საბერძნეთის მთავრობის მიერ გაცემული რეკომენდაციების მკაცრი დაცვისკენ მოუწოდებს.
თბილისი, 6 აგვისტო — Sputnik. საქართველოს საგარეო საქმეთა მინისტრმა დავით ზალკალიანმა ბერძენ კოლეგა ნიკოს დენდიასთან სატელეფონო საუბრისას საბერძნეთში მასშტაბური ტყის ხანძრების გამო მწუხარება გამოთქვა, იუწყება საქართველოს საგარეო უწყება. 
ხანძარი საბერძნეთში - Sputnik საქართველო, 1920, 06.08.2021
საქართველოს საელჩო საბერძნეთში თანამემამულეებს აფრთხილებს
ზალკალიანმა საქართველოს მთავრობის სახელით სოლიდარობა გამოხატა ბერძენი ხალხისა და მთავრობის მიმართ. სატელეფონო საუბრისას მხარეებმა ხაზგასმით აღნიშნეს ორ ქვეყანას შორის ისტორიული კავშირისა და მეგობრული ურთიერთობების მნიშვნელობა.
საბერძნეთში მიმდინარე მასშტაბური ხანძრების გამო საქართველოს საგარეო საქმეთა სამინისტროს ცენტრალური აპარატი და საბერძნეთში საქართველოს საელჩო ადგილზე მოქმედ დიასპორულ ორგანიზაციებთან მუდმივ კონტაქტზე არიან. უკვე შედგა სატელეფონო საუბარი ათეულ დიასპორულ ორგანიზაციასთან, რომლებიც, თავის მხრივ, ადგილზე მცხოვრებ ქართველებს აერთიანებს.
სამინისტროს და საელჩოს წარმომადგენლები თანამემამულეებს სიფრთხილისა და საბერძნეთის მთავრობის მიერ გაცემული რეკომენდაციების მკაცრი დაცვისკენ მოუწოდებენ. ისინი ასევე დაინტერესდნენ მათი მდგომარეობით და მოუწოდეს დახმარების საჭიროების შემთხვევაში დაუყოვნებლივ დაუკავშირდნენ როგორც საქართველოს საელჩოს ცხელ ხაზს, ასევე საბერძნეთის შესაბამის უწყებებს. 
საბერძნეთში ტყის ხანძრებთან ბრძოლა გრძელდება - ვიდეო - Sputnik საქართველო, 1920, 02.08.2021
საბერძნეთში ტყის ხანძრებთან ბრძოლა გრძელდება – ვიდეო
საბერძნეთში მცხოვრები ქართველებისთვის საელჩომ სპეციალური გაფრთხილება უკვე გაავრცელა და თანამემამულეებს მიმართა – ზედმიწევნით გაითვალისწინონ საბერძნეთის სამოქალაქო თავდაცვის სამინისტროს მოწოდებები, მოერიდონ ყველანაირ საქმიანობას, რომელმაც შეიძლება გამოიწვიოს ცეცხლის გაჩენა, მოერიდონ არამიზნობრივ გადაადგილებას. ასევე მიმდებარე ტერიტორიაზე კვამლის ან ცეცხლის შენიშვნის შემთხვევაში დაუყოვნებლივ დაუკავშირდნენ სახანძრო დეპარტამენტს ნომერზე: 199; საბერძნეთის პოლიციას – 100; სასწრაფო დახმარებას – 166. უწყვეტ რეჟიმში მოქმედებს ასევე საელჩოს ცხელი ხაზი 6995779793.
საბერძნეთში რამდენიმე დღეა ტყის ხანძრებს ებრძვიან. ხანძრის შედეგად დაიწვა ათობით სახლი, რამდენიმე ადამიანი ჰოსპიტალიზებულია.
თითქმის მეათე დღეა საბერძნეთში ჰაერის ტემპერატურა 40 გრადუსს აჭარბებს. ქვეყნის ტერიტორიაზე ყოველდღიურად ტყის ხანძრის ახალი კერები ჩნდება. ამ დროისათვის ყველაზე ძლიერი ხანძარი ატიკაში, კუნძულ ევიაზე – ათენიდან დაახლოებით 70 კილომეტრში, და კუნძულ პელოპონესზეა, სადაც ოლიმპიური თამაშების სამშობლო, ძველი ქალაქი ოლიმპია მდებარეობს.
ხუთშაბათს, საღამოს საბერძნეთის ხელისუფლებამ უახლოეს დღეებში ხანძრების მაღალი რისკის შესახებ განაცხადა და მოსახლეობას ტყეებსა და ბაღებში გასვლა აუკრძალა.
ყველა ახალი ამბავი
0