https://sputnik-georgia.com/20210805/gvenetaZe-laris-gadarCena-jer-saWiro-ar-aris-252507283.html
კობა გვენეტაძე: ლარის გადარჩენა ჯერ საჭირო არ არის
კობა გვენეტაძე: ლარის გადარჩენა ჯერ საჭირო არ არის
Sputnik საქართველო
ეროვნული ბანკის პრეზიდენტმა ასევე აღნიშნა, რომ ბანკის მიზანი არ შეიძლება იყოს კურსის გარკვეულ დონეზე შენარჩუნება. 05.08.2021-ს, Sputnik საქართველო
2021-08-05T09:57+0400
2021-08-05T09:57+0400
2021-10-19T18:02+0400
ეკონომიკა
ახალი ამბები
საქართველოს ეკონომიკა
საქართველო
https://cdnn1.img.sputnik-georgia.com/img/24188/91/241889191_0:200:2048:1352_1920x0_80_0_0_31a798d55f4e149e2e0de12623fbc87d.jpg
თბილისი, 5 აგვისტო – Sputnik. ამ დროისათვის არ არის იმის აუცილებლობა, რომ ეროვნულმა ბანკმა რეზერვები ლარის გასამყარებლად დახარჯოს, თუმცა ის მზადაა ამის გასაკეთებლად, თუ საჭირო გახდება, განაცხადა საქართველოს ეროვნული ბანკის პრეზიდენტმა კობა გვენეტაძემ ბრიფინგზე.სავალუტო ბაზრის დასარეგულირებლად ეროვნულმა ბანკმა 2020 წელს ჯამში 916 მლნ აშშ დოლარი გაყიდა. წელს უკვე გაყიდულია 260 მლნ დოლარი. ეროვნული ვალუტის გაცვლითი კურსის ანტირეკორდი 2020 წლის 27 მარტს დაფიქსირდა, როდესაც ლარი 3,4842 GEL/$1 ნიშნულამდე დაეცა.„ამ წუთში არ არის ეროვნული ბანკის ინტერვენციების აუცილებლობა, თუმცა უნდა გითხრათ, რომ ჩვენ მცირე გაყიდვებს Bmatch პლატფორმის საშუალებით ვაწარმოებთ. ასე რომ, ჩვენ ყოველთვის ვართ ბაზარზე და როგორც კი აუცილებლობა იქნება ჩვენი ჩარევის, ჩვენ გვაქვს რეზერვები, რესურსები, რომლის შესავსებადაც საკმაოდ ბევრი ვიმუშავეთ განვლილ წლებში“, – განაცხადა გვენეტაძემ.მან აღნიშნა, რომ ეროვნული ბანკის მიზანი ვერ იქნება კურსის განსაზღვრულ დონეზე შენარჩუნება.„კურსი არის მცურავი. გრძელვადიან პერიოდში მას ფუნდამენტური ფაქტორები განსაზღვრავს, მოკლევადიან პერიოდში – ვთქვათ, ისეთი მოვლენები, როგორიც ახლაა“, – აღნიშნა ეროვნული ბანკის პრეზიდენტმა.ეროვნული ბანკი გასული წლიდან ინტერვენციებისთვის კრედიტებისა და გრანტების სახით საერთაშორისო საფინანსო ინსტიტუტებისგან კორონავირუსის პანდემიის შედეგების აღმოფხვრისთვის მიღებულ ვალუტას იყენებს.დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება. 2021 წლის 1 თებერვლიდან ქართული სავალუტო ბაზარი მთლიანად Bmatch Bloomberg-ის სისტემაში ვაჭრობაზე გადავიდა.
https://sputnik-georgia.com/20210804/erovnuli-banki-monetarul-politikas-amkacrebs-252504442.html
https://sputnik-georgia.com/20210730/fasebi-da-inflacia-saqarTveloSi-erovnuli-bankis-axali-mimoxilva-252466243.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/24188/91/241889191_44:231:1553:1363_1920x0_80_0_0_cb676a2c952ae9aa3ecdb1b65b39184b.jpgSputnik საქართველო
media@sputniknews.com
+74956456601
MIA „Rosiya Segodnya“
ეკონომიკა, ახალი ამბები, საქართველოს ეკონომიკა, საქართველო
ეკონომიკა, ახალი ამბები, საქართველოს ეკონომიკა, საქართველო
კობა გვენეტაძე: ლარის გადარჩენა ჯერ საჭირო არ არის
09:57 05.08.2021 (განახლებულია: 18:02 19.10.2021) ეროვნული ბანკის პრეზიდენტმა ასევე აღნიშნა, რომ ბანკის მიზანი არ შეიძლება იყოს კურსის გარკვეულ დონეზე შენარჩუნება.
თბილისი, 5 აგვისტო – Sputnik. ამ დროისათვის არ არის იმის აუცილებლობა, რომ ეროვნულმა ბანკმა რეზერვები ლარის გასამყარებლად დახარჯოს, თუმცა ის მზადაა ამის გასაკეთებლად, თუ საჭირო გახდება, განაცხადა საქართველოს ეროვნული ბანკის პრეზიდენტმა კობა გვენეტაძემ ბრიფინგზე.
სავალუტო ბაზრის დასარეგულირებლად ეროვნულმა ბანკმა 2020 წელს ჯამში 916 მლნ აშშ დოლარი გაყიდა. წელს უკვე გაყიდულია 260 მლნ დოლარი. ეროვნული ვალუტის გაცვლითი კურსის ანტირეკორდი 2020 წლის 27 მარტს დაფიქსირდა, როდესაც ლარი 3,4842 GEL/$1 ნიშნულამდე დაეცა.
„ამ წუთში არ არის ეროვნული ბანკის ინტერვენციების აუცილებლობა, თუმცა უნდა გითხრათ, რომ ჩვენ მცირე გაყიდვებს Bmatch პლატფორმის საშუალებით ვაწარმოებთ. ასე რომ, ჩვენ ყოველთვის ვართ ბაზარზე და როგორც კი აუცილებლობა იქნება ჩვენი ჩარევის, ჩვენ გვაქვს რეზერვები, რესურსები, რომლის შესავსებადაც საკმაოდ ბევრი ვიმუშავეთ განვლილ წლებში“, – განაცხადა გვენეტაძემ.
მან აღნიშნა, რომ ეროვნული ბანკის მიზანი ვერ იქნება კურსის განსაზღვრულ დონეზე შენარჩუნება.
„კურსი არის მცურავი. გრძელვადიან პერიოდში მას ფუნდამენტური ფაქტორები განსაზღვრავს, მოკლევადიან პერიოდში – ვთქვათ, ისეთი მოვლენები, როგორიც ახლაა“, – აღნიშნა ეროვნული ბანკის პრეზიდენტმა.
ეროვნული ბანკი გასული წლიდან ინტერვენციებისთვის კრედიტებისა და გრანტების სახით საერთაშორისო საფინანსო ინსტიტუტებისგან კორონავირუსის პანდემიის შედეგების აღმოფხვრისთვის მიღებულ ვალუტას იყენებს.
დოლარის მიმართ ლარის ოფიციალური გაცვლითი კურსი 2009 წლის მაისიდან Bloomberg-ის სავაჭრო სისტემის ბანკთაშორის ბაზარზე გარიგებების აგრეგირების მეშვეობით განისაზღვრება. 2021 წლის 1 თებერვლიდან ქართული სავალუტო ბაზარი მთლიანად Bmatch Bloomberg-ის სისტემაში ვაჭრობაზე გადავიდა.