https://sputnik-georgia.com/20210804/vladimer-xinchegashvilma-kariera-daasrula-252502432.html
ცხოვრებაში დგება ცვლილებების დრო – ვლადიმერ ხინჩეგაშვილმა სპორტული კარიერა დაასრულა
ცხოვრებაში დგება ცვლილებების დრო – ვლადიმერ ხინჩეგაშვილმა სპორტული კარიერა დაასრულა
Sputnik საქართველო
ლადო ხინჩეგაშვილს ტოკიოს ოლიმპიადაზეც სურდა მონაწილეობის მიღება, მაგრამ ლიცენზია ვერ მოიპოვა. სალიცენზიო შეჯიბრებამდე მას კორონავირუსი დაუდასტურდა. 04.08.2021-ს, Sputnik საქართველო
2021-08-04T15:39+0400
2021-08-04T15:39+0400
2021-08-28T14:27+0400
ახალი ამბები
სპორტი
https://cdnn1.img.sputnik-georgia.com/img/23586/46/235864644_0:101:999:666_1920x0_80_0_0_65b3133ce69a4a69ed983220a86a9a53.jpg
თბილისი, 4 აგვისტო – Sputnik. თავისუფალი სტილით მოჭიდავემ, რიო-დე-ჟანეიროს ოლიმპიური თამაშების გამარჯვებულმა ვლადიმერ ხინჩეგაშვილმა 30 წლის ასაკში სპორტული კარიერა დაასრულა. ინფორმაცია სპორტსმენმა საკუთარ Facebook-გვერდზე გაავრცელა. ხინჩეგაშვილის თქმით, აღნიშნული გადაწყვეტილების მიღება ძალიან რთული იყო, თუმცა მის ცხოვრებაში ახლა „ცვლილებების დრო დადგა“.„ჩემი უმთავრესი მიზანი ყოველთვის იყო ჩემი ქვეყნის და ხალხისთვის სიხარულის მოტანა. მოხარული ვარ, რომ მიზანს გარკვეულწილად მივაღწიე და არაერთხელ მომეცა შანსი, ამაყად მომესმინა უდიდეს სპორტულ ღონისძიებებზე გაჟღერებული საქართველოს ჰიმნი“, – დაწერა ხინჩეგაშვილმა სოციალურ ქსელში.ლადო ხინჩეგაშვილმა ასევე მადლობა გადაუხადა ქართველ გულშემატკივარს, ადამიანებს, რომლებიც კარიერის განმავლობაში მას მუდმივად ქომაგობდნენ.ლადო ხინჩეგაშვილი ერთ-ერთი ყველაზე ტიტულოვანი ქართველი მოჭიდავეა. ის 2016 წელს ოლიმპიური ოქროს, 2012 წელს ოლიმპიური ვერცხლის მფლობელი გახდა. ხინჩეგაშვილის ანგარიშზე უამრავი გამარჯვებაა, რომელიც სხვადასხვა საერთაშორისო ტურნირებზე აქვს მოპოვებული. მათ შორისაა 2014 წელს მსოფლიო ჩემპიონის ტიტული, ის ასევე ევროპის ჩემპიონი გახდა 2014, 2016 და 2017 წლებში.აღსანიშნავია, რომ ლადო ხინჩეგაშვილი სპორტიდან პოლიტიკაში წავიდა. ყოფილი მოჭიდავე მმართველმა გუნდმა რამდენიმე დღის წინ გორის მერობის კანდიდატად დაასახელა.
https://sputnik-georgia.com/20210429/vladimer-xinchegashvils-koronavirusi-daudasturda-251603771.html
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/23586/46/235864644_0:37:999:666_1920x0_80_0_0_8595272012557b2a29f898ff6f9cd750.jpgSputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, სპორტი
ცხოვრებაში დგება ცვლილებების დრო – ვლადიმერ ხინჩეგაშვილმა სპორტული კარიერა დაასრულა
15:39 04.08.2021 (განახლებულია: 14:27 28.08.2021) ლადო ხინჩეგაშვილს ტოკიოს ოლიმპიადაზეც სურდა მონაწილეობის მიღება, მაგრამ ლიცენზია ვერ მოიპოვა. სალიცენზიო შეჯიბრებამდე მას კორონავირუსი დაუდასტურდა.
თბილისი, 4 აგვისტო – Sputnik. თავისუფალი სტილით მოჭიდავემ, რიო-დე-ჟანეიროს ოლიმპიური თამაშების გამარჯვებულმა ვლადიმერ ხინჩეგაშვილმა 30 წლის ასაკში სპორტული კარიერა დაასრულა. ინფორმაცია სპორტსმენმა საკუთარ
Facebook-გვერდზე გაავრცელა.
ხინჩეგაშვილის თქმით, აღნიშნული გადაწყვეტილების მიღება ძალიან რთული იყო, თუმცა მის ცხოვრებაში ახლა „ცვლილებების დრო დადგა“.
„ჩემი უმთავრესი მიზანი ყოველთვის იყო ჩემი ქვეყნის და ხალხისთვის სიხარულის მოტანა. მოხარული ვარ, რომ მიზანს გარკვეულწილად მივაღწიე და არაერთხელ მომეცა შანსი, ამაყად მომესმინა უდიდეს სპორტულ ღონისძიებებზე გაჟღერებული საქართველოს ჰიმნი“, – დაწერა ხინჩეგაშვილმა სოციალურ ქსელში.
ლადო ხინჩეგაშვილმა ასევე მადლობა გადაუხადა ქართველ გულშემატკივარს, ადამიანებს, რომლებიც კარიერის განმავლობაში მას მუდმივად ქომაგობდნენ.
ლადო ხინჩეგაშვილი ერთ-ერთი ყველაზე ტიტულოვანი ქართველი მოჭიდავეა. ის 2016 წელს ოლიმპიური ოქროს, 2012 წელს ოლიმპიური ვერცხლის მფლობელი გახდა. ხინჩეგაშვილის ანგარიშზე უამრავი გამარჯვებაა, რომელიც სხვადასხვა საერთაშორისო ტურნირებზე აქვს მოპოვებული. მათ შორისაა 2014 წელს მსოფლიო ჩემპიონის ტიტული, ის ასევე ევროპის ჩემპიონი გახდა 2014, 2016 და 2017 წლებში.
აღსანიშნავია, რომ ლადო ხინჩეგაშვილი სპორტიდან პოლიტიკაში წავიდა. ყოფილი მოჭიდავე მმართველმა გუნდმა რამდენიმე დღის წინ გორის მერობის კანდიდატად დაასახელა.