https://sputnik-georgia.com/20210804/tbilisshi-fasiani-parkireba-ramdenime-quchaze-amoqmeddeba-252503712.html
„ძალიან დიდი მოთხოვნაა მოსახლეობის მხრიდან“: რომელ ქუჩებზე ამოქმედდება ფასიანი პარკინგი
„ძალიან დიდი მოთხოვნაა მოსახლეობის მხრიდან“: რომელ ქუჩებზე ამოქმედდება ფასიანი პარკინგი
Sputnik საქართველო
ზონალურ-საათობრივი პარკინგი უკვე მოქმედებს თბილისის სხვადასხვა ქუჩაზე, მათ შორის – კოტე აფხაზის, პეკინის ქუჩებსა და ყაზბეგისა და ვაჟა-ფშაველას გამზირებზე. 04.08.2021-ს, Sputnik საქართველო
2021-08-04T17:14+0400
2021-08-04T17:14+0400
2021-10-19T18:02+0400
ახალი ამბები
საზოგადოება
თბილისის მერია
საქართველო
https://cdnn1.img.sputnik-georgia.com/img/07e5/02/09/250836319_0:160:3073:1888_1920x0_80_0_0_ce3e802cfebbc694c9fc89a09fd28947.jpg
თბილისი, 4 აგვისტო - Sputnik. თბილისის მერიამ კიდევ რამდენიმე ქუჩა შეარჩია, სადაც 1 სექტემბრიდან ზონალურ–საათობრივი პარკირებისთვის 700–ზე მეტი ადგილი გამოიყოფა, განაცხადა თბილისის მერმა კახა კალაძემ დღეს გამართულ მთავრობის სხდომაზე.1 აგვისტოდან ზონალურ–საათობრივი პარკირება ამოქმედდა გლდანის, სამგორისა და საბურთალოს რაიონებში, ასევე ვაგზლის მოედნის მიმდებარე ტერიტორიაზე.დედაქალაქის მერის თქმით, პარკირების რეფორმა გრძელდება.მისი თქმით, საინფორმაციო ჯიხურები, სადაც ადგილობრივ მცხოვრებლებს უფასო პარკირებისთვის რეგისტრაციის გავლა შეუძლიათ, კონკრეტულ ქუჩებზე 1 სექტემბრამდე იქნება განთავსებული.პარკირება ზემოხსენებული ქუჩების მოსახლეობისთვის, შშმ პირებისა და ელექტრომობილების მფლობელებისთვის უფასო იქნება. იმ მოქალაქეებისთვის კი, ვინც რაიონში დროებით, გავლით იმყოფება, პირველი 15 წუთი უფასოა, ხოლო შემდეგ პარკირების ღირებულება საათში 1 ლარია. ადგილობრივმა მცხოვრებლებმა ან უძრავი ქონების მფლობელებმა უფასო პარკირებისთვის რეგისტრაცია უნდა გაიარონ ვებ-გვერდზე www.tp.ge, სადაც ID ბარათით რეგისტრაციის შემდეგ მათ საკუთრებაში არსებული უძრავი ქონება და საკადასტრო კოდი აღინიშნება. მათ უფლება აქვთ, ორი სატრანსპორტო საშუალება დაარეგისტრირონ და უფასო პარკირებით ისარგებლონ.ზონალური პარკირებით სარგებლობისთვის მოქალაქეებმა Play Store ან Apple Store-ის დახმარებით მობილური აპლიკაცია – Tbilisi Parking უნდა ჩამოტვირთონ, გაიარონ რეგისტრაცია/ავტორიზაცია და ელექტრონული გადახდის მეთოდით ფასიანი ავტოსადგომით ისარგებლონ. აპლიკაციაში ასევე მოცემულია რუკა, სადაც ნომრების მიხედვით ზონალური პარკირების ყველა არეალია აღნიშნული.თბილისში ზონალურ–საათობრივი პარკირების სისტემა პირველად 2019 წლის 1 აგვისტოდან ამოქმედდა. პარკირების ახალი მოდელი თბილისის სატრანსპორტო პოლიტიკის ფორმირების ფარგლებში შემუშავდა. კოტე აფხაზის ქუჩასა და ორბელიანის მოედანზე საპილოტო ვერსიამ გაამართლა, ამიტომაც გადაწყდა სისტემის გაფართოება და დანერგვა. ზონალურ-საათობრივი პარკინგი უკვე მოქმედებს თბილისის სხვადასხვა ქუჩაზე, მათ შორის – კოტე აფხაზის ქუჩაზე, პეკინის, ყაზბეგისა და ვაჟა-ფშაველას გამზირებზე.
https://sputnik-georgia.com/20210727/zonalur-saaTobrivi-parkireba-252436174.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2021
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
https://cdnn1.img.sputnik-georgia.com/img/07e5/02/09/250836319_170:0:2901:2048_1920x0_80_0_0_91a3977e6ca82918d336877dd0dc1856.jpgSputnik საქართველო
media@sputniknews.com
+74956456601
MIA „Rosiya Segodnya“
ახალი ამბები, საზოგადოება, თბილისის მერია, საქართველო
ახალი ამბები, საზოგადოება, თბილისის მერია, საქართველო
„ძალიან დიდი მოთხოვნაა მოსახლეობის მხრიდან“: რომელ ქუჩებზე ამოქმედდება ფასიანი პარკინგი
17:14 04.08.2021 (განახლებულია: 18:02 19.10.2021) ზონალურ-საათობრივი პარკინგი უკვე მოქმედებს თბილისის სხვადასხვა ქუჩაზე, მათ შორის – კოტე აფხაზის, პეკინის ქუჩებსა და ყაზბეგისა და ვაჟა-ფშაველას გამზირებზე.
თბილისი, 4 აგვისტო - Sputnik. თბილისის მერიამ კიდევ რამდენიმე ქუჩა შეარჩია, სადაც 1 სექტემბრიდან ზონალურ–საათობრივი პარკირებისთვის 700–ზე მეტი ადგილი გამოიყოფა, განაცხადა თბილისის მერმა კახა კალაძემ დღეს გამართულ მთავრობის სხდომაზე.
1 აგვისტოდან ზონალურ–საათობრივი პარკირება ამოქმედდა გლდანის, სამგორისა და საბურთალოს რაიონებში, ასევე ვაგზლის მოედნის მიმდებარე ტერიტორიაზე.
დედაქალაქის მერის თქმით, პარკირების რეფორმა გრძელდება.
„თქვენ იცით, რომ საბურთალოს რაიონში რამდენიმე ქუჩაზე უკვე მოქმედებს ზონალურ–საათობრივი პარკირების სისტემა, რომელსაც ახალი ქუჩები დაემატება. ესაა დოლიძის, ტეხურას, ასლანიდის, ბერბუკის, ალექსიძის, ბახტრიონის, ცინცაძისა და ლორთქიფანიძის ქუჩები. აღნიშნულ სისტემას მთლიანობაში 702 საპარკინგე ადგილი დაემატება“, – აღნიშნა კალაძემ.
მისი თქმით, საინფორმაციო ჯიხურები, სადაც ადგილობრივ მცხოვრებლებს უფასო პარკირებისთვის რეგისტრაციის გავლა შეუძლიათ, კონკრეტულ ქუჩებზე 1 სექტემბრამდე იქნება განთავსებული.
პარკირება ზემოხსენებული ქუჩების მოსახლეობისთვის, შშმ პირებისა და ელექტრომობილების მფლობელებისთვის უფასო იქნება. იმ მოქალაქეებისთვის კი, ვინც რაიონში დროებით, გავლით იმყოფება, პირველი 15 წუთი უფასოა, ხოლო შემდეგ პარკირების ღირებულება საათში 1 ლარია.
ადგილობრივმა მცხოვრებლებმა ან უძრავი ქონების მფლობელებმა უფასო პარკირებისთვის რეგისტრაცია უნდა გაიარონ ვებ-გვერდზე www.tp.ge, სადაც ID ბარათით რეგისტრაციის შემდეგ მათ საკუთრებაში არსებული უძრავი ქონება და საკადასტრო კოდი აღინიშნება. მათ უფლება აქვთ, ორი სატრანსპორტო საშუალება დაარეგისტრირონ და უფასო პარკირებით ისარგებლონ.
ზონალური პარკირებით სარგებლობისთვის მოქალაქეებმა Play Store ან Apple Store-ის დახმარებით მობილური აპლიკაცია – Tbilisi Parking უნდა ჩამოტვირთონ, გაიარონ რეგისტრაცია/ავტორიზაცია და ელექტრონული გადახდის მეთოდით ფასიანი ავტოსადგომით ისარგებლონ. აპლიკაციაში ასევე მოცემულია რუკა, სადაც ნომრების მიხედვით ზონალური პარკირების ყველა არეალია აღნიშნული.
თბილისში ზონალურ–საათობრივი პარკირების სისტემა პირველად 2019 წლის 1 აგვისტოდან ამოქმედდა. პარკირების ახალი მოდელი თბილისის სატრანსპორტო პოლიტიკის ფორმირების ფარგლებში შემუშავდა. კოტე აფხაზის ქუჩასა და ორბელიანის მოედანზე საპილოტო ვერსიამ გაამართლა, ამიტომაც გადაწყდა სისტემის გაფართოება და დანერგვა. ზონალურ-საათობრივი პარკინგი უკვე მოქმედებს თბილისის სხვადასხვა ქუჩაზე, მათ შორის – კოტე აფხაზის ქუჩაზე, პეკინის, ყაზბეგისა და ვაჟა-ფშაველას გამზირებზე.