საქართველოს საგარეო უწყება თურქეთის მთავრობას სამძიმარს უცხადებს

© REUTERS / MONICA FOX ELENBAASტყის ხანძარი თურქეთში
ტყის ხანძარი თურქეთში - Sputnik საქართველო, 1920, 30.07.2021
გამოწერა
მიმდინარე კვირაში ძლიერი სიცხისა და ქარის გამო თურქეთის 17 პროვინციაში 60-ზე მეტი ხანძრის კერა გაჩნდა.
თბილისი, 30 ივლისი – Sputnik. საქართველოს საგარეო საქმეთა სამინისტრო თურქეთის მთავრობას და თურქ ხალხს ხანძრის შედეგად გარდაცვლილი მოქალაქეების გამო სამძიმარს უცხადებს. 
ხანძარი თურქეთში - Sputnik საქართველო, 1920, 30.07.2021
მსოფლიო დღეს
ტყის ხანძრები თურქეთში: დაზარალდა 42 დასახლებული პუნქტი
„ჩვენი ღრმა სამძიმარი თურქეთის ხალხსა და მთავრობას თურქეთის სამხრეთ ნაწილში გამანადგურებელი ხანძრის შედეგად ადამიანების გარდაცვალების გამო. ჩვენ ფიქრითა და ლოცვით თქვენთან ვართ ამ მწუხარების დროს“, – ნათქვამია საქართველოს საგარეო უწყების Twitter-ის გვერდზე გავრცელებულ სამძიმრის წერილში.
თურქეთის სამხრეთ ნაწილში, ეგეოსისა და ხმელთაშუა ზღვის სანაპიროს მიმდებარე რაიონებში ტყის ხანძარს უკვე რამდენიმე დღეა ებრძვიან. დაღუპულია ოთხი ადამიანი.
გავრცელებული ინფორმაციით, ამ დროისათვის ექვს პროვინციაში 20 ხანძრის კერა ლიკვიდირებულია. ხანძრის შედეგად მთლიანობაში დაზიანდა 2.300 შენობა.
ტყის ხანძრების ერთ-ერთ მთავარ მიზეზად რეგიონში მაღალ ტემპერატურასა და ძლიერ ქარს ასახელებენ, რაც ხანძრის გავრცელებას უწყობს ხელს.
ყველა ახალი ამბავი
0