ნატიფი აღნაგობის ექვსი საიდუმლო: მარტივი რჩევები იაპონელი ქალებისგან

© Pixabay / sasintიაპონელი ქალი
იაპონელი ქალი - Sputnik საქართველო, 1920, 23.07.2021
გამოწერა
იაპონელები პლანეტის ერთ-ერთ ყველაზე ლამაზ და დახვეწილ ქალბატონებად მიიჩნევიან. ამაში მათ ისიც უწყობთ ხელს, რომ ასაკი, პრაქტიკულად, არ ეტყობათ — 30 წლის იაპონელი ქალი შესაძლოა 20 წლისაც კი გეგონოთ.
გარდა ამისა, ისინი ცნობილი არიან დღეგრძელობის კუთხითაც.
დადგენილია, რომ იაპონელი ქალბატონების სილამაზისა და დღეგრძელობის ერთ-ერთი მთავარი საიდუმლო მათ რაციონსა და საკვების მიღების განსაკუთრებულ წესებშია, რომელთაგან რამდენიმეს აქვე გაგაცნობთ.

მდიდარი და დაბალანსებული რაციონი

ახალგაზრდა ქალები  - Sputnik საქართველო, 1920, 04.06.2021
იდეალური აღნაგობა და ჯანმრთელი წონა: ახალი სტანდარტი ექიმებისგან – თვალსაჩინო ცხრილი
იაპონელების რაციონი საკმაოდ მრავალფეროვანია, თუმცა ძირითადი ადგილი უჭირავს: თევზეულს, წყალმცენარეებს, ბოსტნეულს, სოიოს, ბრინჯს, ხილსა და მწვანე ჩაის; და, პრაქტიკულად, უარს ამბობენ მაღალკალორიულ და მავნე საკვებზე.
იაპონელებისთვის მთავარია, რომ პროდუქტი იყოს ახალი და შეესაბამებოდეს სეზონს, ანუ, პოპულარულ ენაზე რომ ვთქვათ, ზამთარში მარწყვს არ ეტანებიან. ის კი არა, თევზეულსაც კი სეზონის მიხედვით არჩევენ. მიირთმევენ იმ თევზს, რომლის ჭერის სეზონიც დგას.

კერძის მომზადების მეთოდები

იაპონელები მოშუშულ, გრილზე შემწვარ, ორთქლზე დამუშავებულ და სპეციალურ ტაფაზე, ძალიან ცოტა ცხიმზე შემწვარ კერძებს ამჯობინებენ. ბოსტნეულს ისეთ ზომაზე და იმგვარად ჭრიან, რომ ლამაზიც იყოს და მალეც მომზადდეს. ამ გზით პროდუქტში სასარგებლო ნივთიერებები რჩება.
სამი ქალი - Sputnik საქართველო, 1920, 07.11.2019
თვისებები და სექსუალური მიდრეკილებები აღნაგობის მიხედვით: დამტკიცებული დახასიათება
იაპონელები კერძებს ხშირად ამზადებენ ბოსტნეულის ნახარშზე, სანელებლებს კი ძალიან მოზომილად, ფრთხილად იყენებენ. 

ჭამის კულტურა

იაპონიაში ჭამა ერთგვარი რიტუალია — მიირთმევენ მინიატურული ჭურჭლიდან, პატარა ლუკმებით, მომცრო ულუფებს. ცდილობენ საკვებს ბუნებრივი გემო და გარეგნობა შეუნარჩუნონ. იაპონიაში მიღებული არ არის სხვადასხვა კერძის ერთ თეფშზე დალაგება — ყველა მათგანისთვის სხვადასხვა ჭურჭელია გამოყოფილი. რაც მთავარია, თეფშს არასდროს ავსებენ პირთამდე. 

ბრინჯი პურის ნაცვლად

იაპონელები პურის ნაცვლად ყოველთვის ბრინჯს მიირთმევენ, ოღონდ განსაკუთრებული წესით მომზადებულს. ბრინჯს არც მარილს უკეთებენ და არც ცხიმს. სწორედ ესაა ერთ-ერთი უმთავრესი საიდუმლო თხელი და ჰაეროვანი აღნაგობისა. 
ოდრი ჰეპბერნი - Sputnik საქართველო, 1920, 13.03.2019
ოდრი ჰეპბერნის დიეტა — ნატიფი აღნაგობის მარტივი საიდუმლო

საუზმე — ძირითადი კვება

საუზმე იაპონიაში ყველაზე უხვია და რამდენიმე თავი კერძისგან შედგება, რადგან სწორედ დილის კვება მიიჩნევა უმთავრესად. საუზმეზე იაპონელები მიირთმევენ: თევზს, ბრინჯს, ომლეტს, მისო-სუპს, სოიოს კერძს მწვანილით, წყალმცენარეებსა და ჩაის. 

არცთუ ტკბილი დესერტი

დესერტს იაპონელები იშვიათად და უმცირესი ულუფით მიირთმევენ. მათი წარმოდგენა ტკბილეულზე ჩვენი შეხედულებისგან რადიკალურად განსხვავდება: არანაირი ბისკვიტი, კარაქიანი კრემი, ნაღები თუ ტორტი! ის კი არა, ნაყინსაც კი ბრინჯისგან ამზადებენ, რომელსაც „მოტი“ ჰქვია.
იაპონური დესერტი დაბალკალორიულია, ნაკლებად ტკბილი და არც მაინცდამაინც გემრიელი ევროპელისთვის. სამაგიეროდ, ერთ ზედმეტ ნაკეცსაც კი არ აჩენს სხეულზე.
ყველა ახალი ამბავი
0