ბათუმს და ბიშკეკს რეგულარული ავიარეისები დააკავშირებს

© photo: Sputnik / Vitaly Belousov / გადასვლა მედიაბანკშითვითმფრინავი
თვითმფრინავი - Sputnik საქართველო, 1920, 20.07.2021
გამოწერა
აღნიშნული მარშრუტით რეგულარული ავიაფრენები ზაფხულის განმავლობაში კვირაში ერთხელ – შაბათობით შესრულდება.
თბილისი, 20 ივლისი – Sputnik. ყირგიზულმა ავიაკომპანია Air Manas-მა ბიშკეკი–ბათუმი–ბიშკეკის მიმართულებით რეგულარული რეისების შესრულება დაიწყო, იუწყება აჭარის ტურიზმისა და კურორტების დეპარტამენტი.
ადრე ავიაკომპანია ამ მარშრუტზე მხოლოდ ჩარტერულ რეისებს ახორციელებდა.
თვითმფრინავი - Sputnik საქართველო, 1920, 08.07.2021
საქართველოში საჰაერო მიმოსვლის აღდგენა სწრაფი ტემპებით მიმდინარეობს
პირდაპირი ფრენები ამ მიმართულებით ზაფხულის განმავლობაში კვირაში ერთხელ – ყოველ შაბათს შესრულდება.
რეგულარული საერთაშორისო ავიამიმოსვლა, რომელიც კორონავირუსის პანდემიის გამო 2020 წლის მარტიდან იყო შეჩერებული, საქართველომ 1 თებერვლიდან აღადგინა.
ეკონომიკის სამინისტროს მონაცემებით, 2019 წლის ანალოგიურ პერიოდთან შედარებით, აღდგენილია ავიარეისების 74% (375-395 სიხშირე კვირაში), ხოლო საჰაერო მიმართულებების 72%.
2021 წლის 6 თვეში ყირგიზეთის მოქალაქეებმა საქართველოში 1715 ვიზიტი განახორციელეს, პანდემიამდე – 2019 წლის ანალოგიურ პერიოდში ეს რიცხვი 4.817-ს შეადგენდა.
ყველა ახალი ამბავი
0