„მეცვა ვარდისფერი მაისური“ – დედაენის ბაღში ახალგაზრდა კაცი სცემეს

© photo: Sputnik / Stringerსასწრაფო დახმარების მანქანა
სასწრაფო დახმარების მანქანა - Sputnik საქართველო, 1920, 13.07.2021
გამოწერა
დედაენის ბაღში განსხვავებული ჩაცმულობის გამო კიდევ ერთ პირზე იძალადეს. თავდასხმის დეტალებზე თავად დაზარალებული ყვება
თბილისი, 13 ივლისი — Sputnik. მოქალაქე გიორგი გოგია „განსხვავებული“ ჩაცმულობის გამო სცემეს. როგორც „ფეისბუქის“ პირად გვერდზე ახალგარდა კაცი წერს, თავს ოთხი პირი დაესხა, რომლებიც მისმა ვარდისფერმა მაისურმა და კიკინამ გააღიზიანა.
გიორგი გოგია ამბობს, რომ შემთხვევა იმ დროს მოხდა, როცა გუშინ ჟურნალისტ ლექსო ლაშქარავას მხარდამჭერი აქციიდან ბრუნდებოდა. მისი თქმით, დედაენის ბაღში დაპირისპირება ღამის 02:00 საათზე დაიწყო.
„დღეს ორკებმა მცემეს და ოთხივე დავაჭერინე ცივილურად და ეგეთ მოძალადეებს თუ არ დაიჭერთ, ჟურნალისტებს და ხალხს კიდევ მოკლავენ. თავს შევწირავ და ორკებს არ გავახარებ. ვიზუალის გამო რომ გცემენ, ესეთები გოგოებსაც სცემენ და თავის ცოლებს ურტყამენ. გეების დევნაში რომ ხართ გადართული, მისამართი სულ გეშლებათ და ეგრე მოგივათ. არ მოგწონთ ხო ლამაზად და მოდურად ჩაცმული ადამიანი და თქვენი ერთნაირი ვარცხნილობა და ერთნაირი ჩაცმულობა მოგწონთ და გინდათ მეც თქვენნაირად გამოვიყურებოდე, მაგრამ ვერ მიიღებთ“, – წერს დაზარალებული.
ეს პირველი შემთხვევა არაა, როცა თბილისში ადამიანებს „განსხვავებული“ გარეგნობის, ჩაცმულობის, ტატუს, საყურის ან სხვა ვიზუალის გამო უპირისპირდებიან. მსგავსი თავდასხმები მას შემდეგ გახშირდა, რაც 5 ივლისს ჰომოფობიურმა და ძალადობრივმა ჯგუფებმა ჟურნალისტებზე იძალადეს, სცადეს „სირცხვილიას" ოფისის დარბევა და შეიჭრნენ „თბილისი პრაიდის“ ოფისში.
ყველა ახალი ამბავი
0