საქართველოში აქტიურად მიმდინარეობს ტურიზმის განვითარება, გაიხსნა საზღვრები და ჩამოდიან დამსვენებლები, ხოლო მეორეს მხრივ - ხელისუფლება კვლავ განაგრძობს ინფექციასთან ბრძოლას, ყოველდღიურად ინფიცირებულთა რაოდენობა დაახლოებით ათასს შეადგენს, რაც ვირუსის გავრცელების საშიშროებას ზრდის.
22 ივნისიდან ღია სივრცეებში პირბადის ტარების აუცილებლობა მოიხსნა. 1 ივლისიდან გაუქმდება კომენდანტის საათიც. თუმცა რესტორნებს 1 ივლისიდან სტუმრების მიღება მხოლოდ ღამის 12 საათამდე შეეძლებათ.