მივლინებები, ხელფასები და ავტოსერვისი: რამდენს ხარჯავს პრეზიდენტის ადმინისტრაცია

© Facebook / Salome Zourabichviliსალომე ზურაბიშვილი
სალომე ზურაბიშვილი - Sputnik საქართველო
გამოწერა
არასამთავრობო ორგანიზაციამ დაითვალა, რომ სალომე ზურაბიშვილის შენახვა ქვეყანას ყოველთვიურად ნახევარ მილიონ ლარზე მეტი უჯდება.

თბილისი, 6 ნოემბერი – Sputnik. არასამთავრობო ორგანიზაცია „ფლანგვის დეტექტორმა“ დეტალურად შეისწავლა პრეზიდენტის ადმინისტრაციის ხარჯები. 2020 წლის აპრილი–სექტემბერში სალომე ზურაბიშვილმა ბიუჯეტიდან შიდა მივლინებებში 21 364 ლარი დახარჯა, ნათქვამია ორგანიზაციის მიერ გავრცელებულ განცხადებაში.

აღნიშნულ მონაცემებში არ შედის კორონავირუსის გავრცელებამდე პერიოდი (იანვარი-მარტი), რა დროსაც პრეზიდენტის შიდა ვიზიტებზე 15 232 ლარი, ხოლო საგარეო ვიზიტებზე 236 312 ლარი დაიხარჯა. 

სალომე ზურაბიშვილი - Sputnik საქართველო
„ადამიანების სიცოცხლე სასწორზე დევს“ - პრეზიდენტმა პოლიტიკურ პარტიებსა და მედიას მიმართა

„2019 წლის მეორე კვარტლის ხარჯების ნაცვლად პრეზიდენტის ადმინისტრაციის ვებ-გვერდზე გამოქვეყნებულია სულ სხვა დოკუმენტი და, დარჩენილი სამი კვარტლის მონაცემებით, პრეზიდენტის ვიზიტებზე 1,35 მლნ დოლარია დახარჯული“, – ნათქვამია არასამთავრობო ორგანიზაციის განცხადებაში.

მივლინებების გარდა, ადმინისტრაციის ხარჯის მნიშვნელოვანი ნაწილი ავტომომსახურებაზე გადანაწილდა. გასულ წელს პრეზიდენტის ადმინისტრაციამ ამ მიზნით 173 848 ლარი დახარჯა. აქედან უშუალოდ საწვავის ხარჯი 125 407 ლარია, ხოლო ავტოსატრანსპორტო საშუალებების შეკეთებაზე 58 441 ლარი დაიხარჯა.

2019 წლის მონაცემებით, პრეზიდენტის ადმინისტრაციის ბალანსზე 39 ავტომობილი იყო აღრიცხული, რაც 2018 წლის მონაცემებთან შედარებით შვიდი ერთეულით ნაკლებია.

აღსანიშნავია, რომ 2018 წელთან შედარებით, საწვავის ხარჯი დაახლოებით 130 ათასი ლარით არის შემცირებული, რაც ნაწილობრივ იმითაც შეიძლება იყოს განპირობებული, რომ ავტოპარკის რაოდენობა შემცირდა.

2020 წლის რვა თვის მონაცემებით, პრეზიდენტის ადმინისტრაციამ სამი მილიონი ლარით მეტი დახარჯა, რომლის დიდი ნაწილი თანამშრომლების ხელფასებს მოხმარდა.

„უხეში დათვლებით, პრეზიდენტის შენახვა ყოველთვიურად ნახევარ მილიონ ლარზე მეტი გვიჯდება“, – ნათქვამია განცხადებაში.

„ფლანგვის დეტექტორი“ არასამთავრობო ორგანიზაციაა, რომელიც „მართვის მონიტორინგის ცენტრმა“ დააფუძნა. ორგანიზაციის მთავარი მიზანი – სახელმწიფო ბიუჯეტიდან დაფინანსებული უწყებების ხარჯების მონიტორინგია.

 

ყველა ახალი ამბავი
0