„საბურთალო“- „არარატ-არმენიას“ თამაშის პირდაპირი ტრანსლაცია არ იქნება

© photo: AFP 2020 / KIRILL KUDRYAVTSEVუეფას ევროპის ლიგის ოფიციალური ბურთი
უეფას ევროპის ლიგის ოფიციალური ბურთი - Sputnik საქართველო
გამოწერა
საფეხბურთო კლუბ „საბურთალოსა“ და „საზოგადოებრივი მაუწყებლის“ დიდი მცდელობის მიუხედავად, სომხურმა მხარემ ტრანსლაციაზე უარი განაცხადა

თბილისი, 4 აგვისტო — Sputnik. 6 აგვისტოს თბილისურ საფეხბურთო კლუბ „საბურთალოს“ და „არარატ-არმენიას“ მატჩის პირდაპირი ტრანსლაცია ერევნიდან ვერ შედგება, იუწყება საზოგადოებრივი მაუწყებლის პირველი არხი. მატჩი ევროპა ლიგის მესამე საკვალიფიკაციო ეტაპის ფარგლებში გაიმართება და თბილისის დროით 19:00 საათზე დაიწყება.

თბილისის „საბურთალო - ზაგრების „დინამო - Sputnik საქართველო
ქართულმა კლუბმა უეფას ჩემპიონთა ლიგაში გამოსვლა დაასრულა

„საზოგადოებრივი მაუწყებელი“ მზად იყო ერევნიდან თავისი ძალებით განეხორციელებინა პირდაპირი რეპორტაჟი, მაგრამ, იქიდან გამომდინარე, რომ მსგავს ტრანსლაციებს უეფას რეგულაციები კრძალავს, ეს შეუძლებელია.

საფეხბურთო კლუბ „საბურთალოსა“ და „საზოგადოებრივი მაუწყებლის“ დიდი მცდელობის მიუხედავად, სომხურმა მხარემ ტრანსლაციაზე უარი განაცხადა. ადგილობრივი ტელევიზია თავის ქვეყანაშიც არ აწარმოებს პირდაპირ რეპორტაჟს.

უეფას ჩემპიონთა ლიგიდან გავარდნის მიუხედავად გიორგი ჭიაბრიშვილის აღსაზრდელები ევროთასების კამპანიაში კვლავ რჩებიან. „საბურთალო“ უეფას ევროპის ლიგის მესამე შესარჩევ რაუნდში განაგრძობს გამოსვლას.

საპასუხო მატჩი „საბურთალოს“ და „არარატ არმენიას“ შორის ერთი კვირის შემდეგ თბილისში ჩატარდება.

ყველა ახალი ამბავი
0