თბილისი, 26 სექტემბერი — Sputnik. თბილისი-რუსთავის დამაკავშირებელ გზაზე საცობი შეიქმნა, რის გამოც საპატრულო პოლიციის ეკიპაჟებმა გზის ნაწილი გადაკეტეს, იუწყება საზოგადოებრივი მაუწყებლის პირველი არხი.
საცობი ჩქაროსნული მაგისტრალის მშენებლობის გამო შეიქმნა. სარემონტო სამუშაოებს მძიმე ტექნიკა ასრულებს, ამის გამო აღნიშნულ მონაკვეთზე მოძრაობა შეზღუდულია.
რუსთავიდან თბილისისკენ მომავალი ავტომობილები შემოვლითი გზით სარგებლობენ — გაჩიანისა და ლილოს გავლით.
პოლიცია პერიოდულად გზას ხსნის, ამიტომ ზოგიერთ მძღოლს ურჩევნია, დაელოდოს გზის გახსნას და ავტომობილს აჩერებს.
შსს-ს თანამშრომლები გზას ვითარების მიხედვით კეტავენ.