თბილისი, 29 აგვისტო — Sputnik. ამ წუთებში კურორტ აბასთუმნის მახლობლად ტყე იწვის. ამის შესახებ Sputnik საქართველოს კორესპონდენტს ადგილობრივმა მოსახლეობამ აცნობა. კურორტი კვამლშია გახვეული.
აღნიშნული ინფორმაცია სააგენტოს აბასთუმნის გამგებელმა გიორგი გედევანიძემ დაუდასტურა. მისი თქმით, ხანძარი კურორტიდან საკმაოდ მოშორებით — რამდენიმე ათეულ კილომეტრშია და სახანძრო მაშველები და ვერტმფრენი ხანძრის კერისაკენ მიემართებიან. ჯერჯერობით უცნობია რა ფართობზეა გავრცელებული ხანძარი.
