თბილისი, 20 დეკემბერი — Sputnik. თურქეთში რუსეთის ელჩის ანდრეი კარლოვის გარდაცვალებასთან დაკავშირებით საქართველოში შვეიცარიის საელჩოსთან არსებულ რუსეთის ინტერესთა სექციაში სამშაბათს სამძიმრის წიგნი გაიხსნა, იუწყება დიპლომატიური სამსახურის წარმომადგენელი ეკატერინა კუსაკინა Facebook-ის საკუთარ გვერდზე.
დიპლომატიური დაწესებულების მისამართი: თბილისი, ჭავჭავაძის გამზირი, 51.
ანდრეი კარლოვზე შეიარაღებული თავდასხმა გუშინ ანკარაში მოხდა თანამდეროვე ხელოვნების ცენტრში ფოტოგამოფენის „რუსეთი მოგზაურის თვალით“ გახსნის ცერემონიაზე. თავდასხმის შემდეგ ის საავადმყოფოში გადაიყვანეს, სადაც 40 წუთის შემდეგ ექიმებმა მისი გარდაცვალების ფაქტი დაადასტურეს.
მოსკოვი მომხდარ ფაქტს ტერორისტული აქტის კვალიფიკაციას ანიჭებს და საკითხის დაყენებას გაეროს უშიშროების საბჭოს წევრების წინაშე აპირებს.
მოწმეთა ჩვენებით, მკვლელი საგამოფენო დარბაზში ჰალსტუხითა და საქმიან კოსტიუმში გამოწყობილი შევიდა და იქ მყოფთ ის ელჩის დაცვის წევრი ეგონათ. თავდასხმის დროს კიდევ სამი ადამიანი დაშავდა.
მოგვიანებით ბოროტმოქმედი პოლიციამ მოკლა.
