საპარტნიორო ფონდი "სტარტაპ საქართველოს" გამარჯვებულების დაფინანსებას იწყებს

© Photo: Courtesy of jsc "Partnership Fund"სტარტაპ-საქართველოს გამარჯვებულები
სტარტაპ-საქართველოს გამარჯვებულები - Sputnik საქართველო
გამოწერა
საქართველოში გრძელდება ახალბედა ბიზნესის ხელშეწყობის სამთავრობო პროგრამა, რომლის ფარგლებში ახალგაზრდა თაობის წარმომადგენლები თავისი ბიზნეს იდეების რეალიზაციისათვის საჭირო დაფინანსებას მიიღებენ.

თბილისი, 10 ნოემბერი — Sputnik.საპარტნიორო ფონდმა „სტარტაპ საქართველოს" პროექტში პირველი კონკურსის გამარჯვებულების დაფინანსება დაიწყო. 586,7 ათასი ლარი 36-დან 8 პროექტზეა გამოყოფილი. ფონდმა შესაბამისი ხელშეკრულებები უკვე გააფორმა და პროექტებს დაფინანსების დამადასტურებელი დოკუმენტიც გაცემულია, ნათქვამია ფონდის განცხადებაში.

დაფინანსებულ პროექტებს შორისაა „ავტომობილების პარკირება ვერტიკალურ სივრცეში"; „დეკორატიული ფილების და კერამიკული სივრცული აგურის წარმოება/რეალიზაცია"; „ინოვაციური დეკორატიული აგურის წარმოება"; კლინიკა ონლაინ"; Tripplanner; Wingo; Georgian Toys Factory; CARGOHUB. 

გიორგი კვირიკაშვილი და სტარტაპის პროგრამის გამარჯვებულები - Sputnik საქართველო
„სტარტაპ საქართველს“ 36 გამარჯვებული დაჯილდოვდა

სხვა გამარჯვებულ პროექტების ავტორებთან მიმდინარეობის ხელშეკრულებების გაფორმების პროცესი. თითოეული გამარჯვებული პროექტი 100 000 ლარის ფარგლებში დაფინანსდება. პროექტების დაფინანსება ხორციელდება პარტნიორთა შეთანხმების ყველა პირობაზე მოლაპარაკების და „სტარტაპ საქართველოსა" და პროექტების კერძო მფლობელებს შორის ხელმოწერის შემდეგ.

პარალელურად, საპარტნიორო ფონდი „სტარტაპ საქართველოს" პროგრამის ინოვაციურ კომპონენტში ახალი ბიზნეს პროექტებისა და აპლიკაციების მიღებას განაგრძობს.15 დეკემბრამდე მიღებული განაცხადების განხილვის პროცესი და გამარჯვებულების გამოვლენა წლის ბოლომდე დასრულდება. პროექტების შერჩევა მოხდება კონკურსის წესით.

იმ ბიზნეს პროექტების ავტორებს, რომლებმაც პროგრამის პირველ კონკურსში შემოიტანეს განაცხადი და ვერ მოიპოვეს დაფინანსება, აქვთ შესაძლებლობა აპლიკაციის შევსების გარეშე მონაწილეობა მიიღონ მეორე კონკურსში,ასევე სურვილის შემთხვევაში შეუძლიათ კონსულტაცია გაიარონ „სტარტაპ საქართველოს" წარმომადგენლებთან და დახვეწონ ადრე წარმოდგენილი ბიზნეს გეგმა.

პრემიერ-მინისტრი სტარტაპების კონკურსში გამარჯვებულებთან - Sputnik საქართველო
ხელისუფლებამ 20 ინოვაციური სტარტაპი დააფინანსა

"სტარტაპ საქართველოს" პირველი გამარჯვებულები ამ წლის 26 აგვისტოს გამოცხადდნენ. პირველ კონკურსში გამარჯვებული 56 პროექტი გახდა,მათგან ინოვაციურ ნაწილში გამარჯვებული 36, ხოლო მაღალტექნოლოგიურ კომპონენტში 20 აპლიკანტი გახდა. ბოლო 20-მა გამარჯვებულმა თავისი ბიზნეს-გეგმების განსახორციელებლად თითოეულად 100 ათასი ლარი მიიღო.

პირველ ეტაპზე პროგრამის განსახორციელებლად 11 მილიონი ლარია გამოყოფილი, მომავალში ბიუჯეტი 35 მილიონ ლარამდე გაიზრდება.

ახალი პროგრამის კოორდინატორები არიან საქართველოს საპარტნიორო ფონდი და საქართველოს ეკონომიკის სამინისტროს ინოვაციებისა და ტექნოლოგიების სააგენტო. პროგრამის ამოქმედების შემდეგ მასში საერთაშორისო ექსპერტებიც ჩაერთვნენ.

ყველა ახალი ამბავი
0