თბილისი, 19 მარტი — Sputnik. ავიაკომპანია Fly Dubai-მ დააზუსტა დონის როსტოვში ჩამოვარდნილი „ბოინგის“ მგზავრების მოქალაქეობრივი კუთვნილება. როგორც მათი მონაცემებიდან ირკვევა, ბორტზე მყოფი მგზავრებიდან 44 რუსეთის, 8 უკრაინის, 2 ინდოეთისა და 1 უზბეკეთის მოქალაქე იყო.
ავიაკომპანია სამძიმარს უცხადებს დაღუპულთა ოჯახებს.
დუბაიდან მომავალი სამგზავრო თვითმფრინავი Boeing 737-800 დონის როსტოვში წუხელ 4:42 საათზე ჩამოვარდა. თვითმფრინავი ასაფრენ-დასაფრენი ზოლიდან მარცხნივ დაეცა, რისი მიზეზიც, შესაძლოა, ცუდი ხილვადობა იყო. რუსეთის ტრანსპორტის სამინისტროს წარმომადგენლის განცხადებით, კატასტროფა ასაფრენ-დასაფრენ ზოლზე თვითმფრინავის მეორედ დასმის მცდელობისას მოხდა.