თბილისი, 9 ნოემბერი — Sputnik. ავიაკომპანია „კოგალიმავიას“ კუთვნილი თვითმფრინავის А321-ის კატასტროფის ადგილზე ამ დრომდე ოთხი ქვეყნის, მათ შორის, რუსეთის ექსპერტები მუშაობენ, იუწყება რუსეთის საგანგებო სიტუაციების მართვის სამინისტრო.
„ავიალაინერის კატასტროფის ადგილზე მუშაობენ რუსეთის, გერმანიის, საფრანგეთისა და ეგვიპტის ექსპერტები, რომლებიც ლაინერის მსხვილ ფრაგმენტებს იკვლევენ და აუცილებელ სინჯებს აიღებენ“, — ნათქვამია განცხადებაში.
საგანგებო სიტუაციების მართვის სამსახურის მაშველები დახმარებას უწევენ ავიაციის საერთაშორისო კომიტეტის სპეციალისტებს, რომლებიც კატასტროფის გამომწვევი მიზეზების დადგენაზე მუშაობენ.
„ლაინერის სხვადასხვა ფრაგმენტებამდე ექსპერტების მიყვანა საავარიო-სამაშველო ავტომანქანებით ხორციელდება. გარდა ამისა, რუსეთის მაშველებმა ექსპერტთა ჯგუფს ფოტო და ვიდეომასალა წარუდგინეს, რომელიც თვითმფრინავის კატასტროფის ადგილზეა გადაღებული“, — აღნიშნულია განცხადებაში.
რუსეთისა და საბჭოთა ავიაციის ისტორიაში ყველაზე დიდი ავიაკატასტროფა მოხდა შაბათს. ავიაკომპანია „კოგალიმავიას“ ლაინერი Airbus А321, რომლეიც შარმ-ელ-შეიხიდან სანკტ-პეტერბურგში მიფრინავდა სინაის ნახევარკუნძულზე ეგვიპტეში ჩამოვარდა. თვითმფრინავის ბორტზე 217 მგზავრი იმყოფებოდა და 7 ეკიპაჟის წევრი. ავიაკატასტროფას ვერავინ გადაურჩა.
