თბილისი, 26 ოქტომბერი. „ახალი ამბები - საქართველო“. რუსეთის პრეზიდენტმა დიმიტრი მედვედევმა ხელი მოაწერა ”რუსეთის ფედერაციის შეიარაღებული ძალების სამხედრო მოსამსახურეების თანამდებობებზე დანიშვნისა და თანამდებობებიდან განთავისუფლების შესახებ განკარგულებას”, აცხადებს კრემლის პრეს-სამსახური იუწყება ”რია ნოვოსტი”.
პოლკოვნიკი იგორ აფონინი გათავისუფლებულია მე-8 სარაკეტო დივიზიის მეთაურის თანამდებობიდან და დანიშნულია მე-14 სარაკეტო დივიზიის მეთაურად.
მე-8 სარაკეტო დივიზიის მეთაურად დანიშნულია ლეონიდ მიხოლაპი.
გენერალ-მაიორი ვალერი კონურკინი დანიშნულია სამხედრო-საჰაერო ძალების ”სამხედრო-საჰაერო აკადემიის” სამხედრო სასწავლო ცენტრის უფროსის მოადგილედ. მანამდე კონკურკინი აკადემიის უფროსის მოადგილედ მსახურობდა.
გენერალ-ლეიტენანტი ალექსანდრე მიროშნიჩენკო დანიშნულია რუსეთის თავდაცვის მინისტრის თანაშემწედ.
გენერალ-მაიორი იური პეტრუშკოვი ქალაქ ეისკში სამხედრო-საჰაერო ძალების ”სამხედრო-საჰაერო აკადემიის” სამხედრო სასწავლო ცენტრის ფილიალს უხელმძღვანელებს.
ამავე განკარგულებით, პოლკოვნიკი დიმიტრი იაშინი გათავისუფლებულია ლენინგრადის სამხედრო ოლქის 138-ე ცალკეული მოტომსროლელი ბრიგადის მეთაურის თანამდებობიდან.
ასევე, გათავისუფლებულები არიან თანამდებობებიდან და დათხოვნილნი არიან სამხედრო სამსახურიდან შემდეგი სამხედრო მოსამსახურეები - გენერალ-მაიორი ნიკოლაი ვაგანოვი, გენერალ-მაიორი ალექსანდრ იონოვი, გენერალ-მაიორი ალექსანდრ მაჟროვი, იუწყება პრეს-სამსახური.
