თბილისი, 8 დეკემბერი — Sputnik. აშშ-ის ახლადარჩეული პრეზიდენტის დონალდ ტრამპის მრჩეველმა საარჩევნო კამპანიის პერიოდში კარტერ პეიჯმა მოსკოვში თავისი ვიზიტი ბიზნესმენებთან და პოლიტიკოსებთან დაგეგმილი შეხვედრებით ახსნა.
პეიჯი მოსკოვში ხუთშაბათს ჩავიდა, იუწყება საინფორმაციო სააგენტო „რია ნოვოსტი“.
„შევხვდები გავლენიან ბიზნესმენებსა და იდეურ ლიდერებს“, — განუცხადა პეიჯმა სააგენტოს.
მან დასძინა, რომ მოსკოვში 13 დეკემბრამდე დარჩება.
უფრო ადრე, ოქტომბერში ტრამპის ვაჟი შეხვდა რიგ დიპლომატებს, ბიზნესმენებსა და პოლიტიკოსებს, რომლებთანაც სირიაში კონფლიქტის მოგვარების კუთხით რუსეთთან თანამშრომლობის საშუალებები განიხილა.