თბილისი, 10 ოქტომბერი — Sputnik. კიევი დსთ-დან უკრაინის გამოსვლის საკითხს განიხილავს, განაცხადა კვირას უკრაინის საგარეო საქმეთა მინისტრმა პაველ კლიმკინმა ტელეარხ „112 უკრაინის“ ეთერში.
უკრაინაში 2014 წლის თებერვალში ხელისუფლების შეცვლის შემდეგ ახალმა ხელისუფლებამ განაცხადა, რომ დსთ-ის მუშაობაში მონაწილეობაზე უარს აპირებს.
„ჩვენ განვიხილავთ (დსთ-დან) გამოსვლის საკითხს. ჩვენ გაფორმებული გვაქვს რამდენიმე ათეული შეთანხმება, რომლებიც ეხება, მაგალითად, დიპლომების აღიარებას, პენსიების გაცემას. ამჟამად ვამთავრებთ მუშაობას, რომელიც ამ შეთანხმებების პირობების დარეგულირების საშუალებას მოგვცემს. დიდი იმედი გვაქვს, რომ შევძლებთ ამ შეთანხმებების მენეჯმენტის გაკეთებას ცალკე, და მაშინ ეს საკითხი კვლავ დადგება. მე დსთ-დან თანამიმდევრულ გამოსვლას ვემხრობი“, — განაცხადა მინისტრმა.
