ისრაელი სირიიდან და ღაზის სექტორიდან სროლებზე იუწყება

© AP Photo / Bram Janssenაფეთქება
აფეთქება - Sputnik საქართველო
გამოწერა
ეს სროლების უკვე მე-6 შემთხვევაა ბოლო 11 დღის განმავლობაში.

თბილისი, 15 სექტემბერი — Sputnik. სირიიდან და ღაზის სექტორიდან გამოშვებული რაკეტა ისრაელის ტერიტორიაზე აფეთქდა, მსხვერპლი და ნგრევა არ ყოფილა, იუწყება საინფორმაციო სააგენტო РИА Новости ისრაელის სამხედრო პირების განცხადებაზე დაყრდნობით.

ისრაელის სამხედრო–საჰაერო ძალების გამანადგურებელი - Sputnik საქართველო
ისრაელის სამხედრო–საჰაერო ძალებმა სირიის სამთავრობო ჯარების პოზიციებს შეუტიეს

„ისრაელის მიმართულებით ღაზის სექტორიდან გამოშვებული რაკეტა ღია ადგილზე აფეთქდა ეშკოლის რეგიონულ საბჭოში… სირიიდან გამოტყორცნილი ჭურვი კი ისრაელის გოლანის მაღლობების ჩრდილოეთ ნაწილში ჩამოვარდა“, — ნათქვამია ისრაელის არმიის პრესსამსახურის განცხადებაში.

ეს სროლების უკვე მე-6 შემთხვევაა ბოლო 11 დღის განმავლობაში. სამხედროები მიიჩნევენ, რომ ეს ინციდენტები წინასწარგანზრახულად ხდება მეზობელ სახელმწიფოში, სირიაში მიმდინარე ბრძოლების ფონზე, რასაც  ისრაელი გამუდმებით პასუხობს სირიის საზღვრისპირა პოზიციებზე განლაგებულ სამთავრობო ძალებზე დარტყმით.

რაც შეეხება ღაზის სექტორს, აგვისტოს შემდეგ ეს პირველი სროლებია ისრაელის მიმართულებით.

ყველა ახალი ამბავი
0