თბილისი, 20 ივლისი — Sputnik. გვატემალის ერთ-ერთ გამოსასწორებელ დაწესებულებაში ბუნტის დროს 13 ადამიანი დაიღუპა. მათ შორისაა 24 წლის არგენტინელი მოდელი და გარემოს დამცველი ჯოანა ბირიელი, იუწყება საინფორმაციო სააგენტო „რია ნოვოსტი“ პორტალ La Nacion-ზე დაყრდნობით.
თავდასხმა, რომელშიც 25 პატიმარი მონაწილეობდა, მნახველებთან პატიმრების შეხვედრის დროს მოხდა. ჯოანა ერთ-ერთი პატიმრის სანახავად იმყოფებოდა.
Quién es la modelo argentina que murió junto al "Rey de las cárceles" https://t.co/Sv0RX2XItm pic.twitter.com/rO2mP6bomY
— Clarín.com (@clarincom) 19 июля 2016 г.
ბუნტის დროს სულ 13 ადამიანი დაიღუპა, მათ შორის ქვეყნის ყველაზე „ავტორიტეტული“ პატიმარი, კაპიტანი ბაირონ ლიმა ოლივა, რომელიც გვატემალელი მღვდლისა და უფლებადამცველის ხუან ხერარდის მკვლელობისთვის იხდიდა სასჯელს. შეიარაღებული ბუნტის მიზეზი ციხეში გავლენის სფეროების გადანაწილება გახდა.
24 წლის არგენტინელი მოდელი, გავრცელებული ინფორმაციით, სწორედ ლიმას ხვდებოდა ციხეში. ის მასთან თვეში ერთხელ მიდიოდა. მოკლულის ძმის განცხადებით, ბირიელი პატიმრებთან გარემოს დაცვის პროექტის რეალიზების საკითხში თანამშრომლობდა. არგენტინელი გვატემალაში საცხოვრებლად 2011 წელს გადავიდა.
