თბილისი, 6 იანვარი — Sputnik. წყალბადის ბომბის გამოცდის შესახებ ჩრდილოეთ კორეის განცხადების შემდეგ, გაეროს უშიშროების საბჭო ოთხშაბათს დილით არაგეგმიურ სხდომას ჩაატარებს, განუცხადა რუსულ საინფორმაციო სააგენტო „რია ნოვოსტის“ ანონიმურმა წყარომ გაეროს შტაბ-ბინაში.
როგორც სააგენტოსთვის გახდა ცნობილი, შეხვედრის ჩატარების ინიციატორები აშშ და იაპონია არიან.
ჩრდილოეთ კორეამ წყალბადის იარაღის წარმატებული გამოცდის შესახებ განაცხადა, რომლის შექმნაზეც ფხენიანი ადრე უკვე საუბრობდა.
ჩრდილოკორეელებმა მანამდე სამი ცდა ჩაატარეს — 2006, 2009 და 2013 წლებში. ამის საფუძველზე გაეროს უშიშროების საბჭომ ქვეყნის წინააღმდეგ სანქციები გამოიყენა.