22:07 08 დეკემბერი 2016
პირდაპირი ეთერი
თოვლი ავტომაგისტრალზე

დიდთოვლობის გამო საქართველოში ზოგიერთ მონაკვეთზე მოძრაობა შეზღუდულია

© FB / "Тбилсервис групп"
ამინდი
მოკლე ბმულის მიღება
73 0 0

საავტომობილო გზის მლეთა-გუდაურის მონაკვეთზე, ასევე ქუთაისი-ტყიბული-ამბროლაურის საავტომობილო გზებზე აკრძალულია მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა.

თბილისი, 2 დეკემბერი- Sputnik. ხუთშაბათს მოსულმა თოვლმა მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე  ზვავსაშიშროება შექმნა- იუწყება საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი.

თოვლის და ლიპყინულის გამო, მლეთა-გუდაურის (ფოსტა) მონაკვეთზე აკრძალულია მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა კი თავისუფალია.

უამინდობამ პრობლემები შექმნა ქუთაისი-ტყიბული-ამბროლაურის საავტომობილო გზაზეც. ნაქერალას უღელტეხილზე  აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა.

როგორც საავტომობილო გზების დეპარტამენტში აცხადებენ, გზის დანარჩენ მონაკვეთებზე ავტოტრანსპორტის მოძრაობა თავისუფალია.

მთავარი თემები