მცხეთობის დღესასწაულზე წვიმიანი ამინდი იქნება

© photo: Sputnik / Alexander Imedashviliსვეტიცხოველი
სვეტიცხოველი - Sputnik საქართველო
გამოწერა
14 ოქტომბერს საქართველოში მცხეთობა (სვეტიცხოვლობა) აღინიშნება. ამ დღეს წვიმიანი და ქარიანი ამინდი იქნება.

თბილისი, 13 ოქტომბერი — Sputnik. სინოპტიკოსები 14 ოქტომბერს — მცხეთობის (სვეტიცხოვლობის) დღეს წვიმიან ამინდს გვპირდებიან.

სვეტიცხოვლობა — ესაა „დღესასწაული კვართისა საუფლოჲსა და სვეტისა ღმრთივბრწყინვალისა და მირონმდინარისა“.

პარასკევს როგორც დასავლეთ, ისე აღმოსავლეთ საქართველოს ზოგიერთ რაიონში იწვიმებს, მოსალოდნელია ჭექა-ქუხილი. ქარის სიჩქარემ, შესაძლოა, წამში 17-22 მეტრს მიაღწიოს.

დასავლეთ საქართველოს ბარში ღამით მოსალოდნელია 11-16 გრადუსი, ხოლო დღისით — 15-20 გრადუსი სითბო. მაღალ მთაში ღამით იქნება 3-8, ხოლო დღისით — 5-10 გრადუსი სითბო.

აღმოსავლეთ საქართველოს ბარში ღამით მოსალოდნელია 7-12, ხოლო დღისით — 18-23 გრადუსი სითბო; მაღალ მთაში ღამით — 1-6, ხოლო დღისით — 14-19 გრადუსი სითბო.

14 ოქტომბერს მცხეთაში ეწყობა სხვადასხვა ღონისძიება, სახალხო სეირნობა, ხოლო სვეტიცხოვლის ტაძარში მრევლი დილიდან იწყებს შეკრებას.

ყველა ახალი ამბავი
0