ნონა გაფრინდაშვილი კვლავ მსოფლიოს ჩემპიონია

გამოწერა
სახელგანთქმულმა ქართველმა მოჭადრაკემ ნონა გაფრინდაშვილმა უკვე ზედიზედ მესამედ მოიგო 65 წელს ზემოთ ჭადრაკის მსოფლიო ჩემპიონატი.

თბილისი, 1 დეკემბერი — Sputnik. სახელგანთქმულმა ქართველმა მოჭადრაკემ ნონა გაფრინდაშვილმა სინიორთა (65+ ასაკობრივი კატეგორია) შორის მსოფლიო ჩემპიონის ტიტული მოიპოვა ტურნირში, რომელიც ჩეხეთის ქალაქ მარიანსკ-ლაზნეში გაიმართა. ამის შესახებ ფიდეს ოფიციალური გვერდი იტყობინება. 

9 შესაძლო ქულიდან, გაფრინდაშვილმა 8 მოაგროვა (7 მოგება და 2 ფრე) და გაუსწრო რუს ელენა ფატილიბეკოვას ნახევარი ქულით. ბრინჯაოს მედალი თამარ ხმიადაშვილმა მოიპოვა. მის აქტივში 6,5 ქულაა. 

ნონა გაფრინდაშვილის ვარსკვლავის გახსნა - Sputnik საქართველო
თბილისში ლეგენდარული ნონა გაფრინდაშვილის ვარსკვლავი გაიხსნა

გაფრინდაშვილისათვის, ეს არის ამ ტურნირში ზედიზედ მესამე გამარჯვება და მეხუთე ტურნირის ისტორიაში. 

მამაკაცებს შორის მსოფლიოს ჩემპიონი 50+ ასაკობრივ კატეგორიაში ასევე საქართველოს წარმომადგენელი გიორგი ბაგათუროვი გახდა. იმავე კატეგორიაში მესამე ადგილი ზურაბ სტურუამ მოიპოვა. 


ყველა ახალი ამბავი
0