თბილისი, 19 ნოემბერი – Sputnik. საქართველოს თავისუფალი სტილით მოჭიდავეთა ეროვნული ნაკრები ბუქარესტში მიმდინარე „ევროპის ერთა თასის“ ფინალის გამარჯვებული გახდა. ფინალში რევაზ მინდიაშვილის მოჭიდავეები რუსეთის გუნდს შეხვდნენ და ანგარიშით 6:2 დაამარცხეს კიდეც მოწინააღმდეგე.
დაპირისპირებაში საკუთარი შეხვედრები ოთარ გოგავამ (-57), ზურაბ იაკობაშვილმა (-65), დავით ტლაშაძემ (-70), ზურაბ ერბოწონაშვილმა (-74), ელიზბარ ოდიკაძემ (-97) და გენო პეტრიაშვილმა (-125) მოიგეს.
რუს სპორტსმენებთან ორთაბრძოლაში მხოლოდ ბექა ლომთაძე (-61) და სანდრო ამინაშვილი (-86) დამარცხდნენ.
საქართველოს ბერძნულ-რომაული სტილით მოჭიდავეთა ნაკრები ასპარეზობას შაბათს დაიწყებს.