„სპარტაკი“ ანანიძესთან კონტრაქტის გაგრძელების თაობაზე მოლაპარაკებებს აწარმოებს

© photo: Sputnik / FB/ Jano Ananidze / გადასვლა მედიაბანკშიჯანო ანანიძე
ჯანო ანანიძე - Sputnik საქართველო
გამოწერა
ხელშეკრულების ვადა ქართველ ფეხბურთელ ჯანო ანანიძესა და „სპარტაკს“ შორის 2017 წლის ზაფხულში იწურება.

თბილისი, 15 ოქტომბერი – Sputnik. მოსკოვის საფეხბურთო კლუბი „სპარტაკი“ საქართველოს ნაკრების ნახევარმცველ ჯანო ანანიძესთან მოქმედი ხელშეკრულების გაგრძელების თაობაზე მოლაპარაკებებს აწარმოებს, იუწყება „Р-Спорт“–ი გუნდის სპორტული დირექტორის სერგეი როდიონოვის ინფორმაციაზე დაყრდნობით.

ჯანო ანანიძე - Sputnik საქართველო
გამოკითხვა: ჯანო ანანიძე - საუკეთესო ქართველი ლეგიონერი

ხელშეკრულების ვადა ქართველ ფეხბურთელ ჯანო ანანიძესა და „სპარტაკს“ შორის 2017 წლის ზაფხულში იწურება. თუმცა, ამ დროისთვის მხარეები კონტრაქტის გაგრძელებაზე ჯერ ვერ შთანხმდნენ.

„სპარტაკის“ რიგებში 24 წლის ნახევარმცველი 2009 წლის აგვისტოდან გამოდის. ამ დროის განმავლობაში ანანიძე 109–ჯერ გავიდა მინდორზე, გაიტანა 16 გოლი და გააკეთა 10 შედეგიანი გადაცემა.

უნდა აღინიშნოს, რომ ანანიძისთვის ეს სეზონი ძალიან კარგად დაიწყო. მან მონაწილეობა მიიღო რუსეთის ჩემპიონატის ექვს თამაშში და ოთხი გოლი გაიტანა.

საქართველოს ნაკრების შემადგენლობაში ანანიძემ 35 მატჩი ჩაატარა და 3 გოლი გაიტანა.


ყველა ახალი ამბავი
0