თბილისი, 2 დეკემბერი — Sputnik. ივანე ჯავახიშვილის სახელობის თბილისის სახელმწიფო უნივერსიტეტის (თსუ) საბავშვო უნივერსიტეტის ნორჩ გეოგრაფთა სკოლა და თსუ-ის „ეკოკლუბი“ აცხადებენ სკოლის მოსწავლეთა კონკურსს სახელწოდებით „შექმენი შენი საახალწლო ნაძვის ხე“.
მოსწავლეებმა ნაძვის ხეები სხვადასხვა სახის ნარჩენებისგან უნდა დაამზადონ. საამისოდ უნდა გამოიყენონ ყველაფერი — ნაძვის ხისა და მისი ტოტების გარდა. მასალა შეიძლება იყოს: მაკულატურა, პოლიეთილენი, ლითონი, ბიჟუტერია, ქსოვილი და სხვა.
კონკურსში მონაწილეობის მსურველებმა ორგანიზატორებს უნდა გაუგზავნონ საკუთარი ხელით შექმნილი საახალწლო ნაძვის ხის ფოტო.
ნამუშევრებიდან ჟიური 50 საუკეთესოს შეარჩევს, რომლებიც გამოფენაზე იქნება წარმოდგენილი.