თბილისი, 28 ოქტომბერი — Sputnik. საქართველოს ათობით მოქალაქე უკვე თითქმის ერთი დღე-ღამეა, საქართველო-თურქეთის საზღვარზე, სარფის გამშვებ პუნქტზე გადასვლას ვერ ახერხებს, იუწყება ტელეკომპანია „რუსთავი 2“.
საბაჟო–გამშვებ პუნქტ „სარფზე" დილიდან რიგებია იმის გამო, რომ თურქი მესაზღვრეები ადამიანთა მცირე რაოდენობას ატარებენ. არაოფიციალური მონაცემებით, თურქი მებაჟეები ვერ ამოწმებენ უცხოელების დოკუმენტებს, რადგან ახალ პროგრამულ უზრუნველყოფასთან დაკავშირებით პრობლემები შეექმნათ. არსებული ინფორმაციით, ანალოგიური პრობლემები შეიქმნა თურქეთის ყველა საბაჟო პუნქტზე.
„მათი სერვერი უცხოურ პასპორტებს არ ატარებს, შიდა ქსელი კი (თურქეთის მოქალაქეებისთვის) მოწესრიგებული აქვთ. ჩვენ მხარეს ყველაფერი წესრიგშია“, — განაცხადა რიგში მდგომმა საქართველოს მოქალაქემ.
როდის გადაწყდება პრობლემა, ჯერჯერობით უცნობია.