თბილისი, 25 ოქტომბერი — Sputnik. აზერბაიჯანელმა მებაჟეებმა საქართველოდან სამკურნალო პრეპარატების შეტანის მცდელობა აღკვეთეს, იუწყება „Sputnik აზერბაიჯანი“ აზერბაიჯანის სახელმწიფო საბაჟო კომიტეტის პრეს-სამსახურზე დაყრდნობით. განცხადება უწყების ოფიციალურ ვებ-გვერდზეა გამოქვეყნებული.
აზერბაიჯანელმა მესაზღვრეებმა თოვუზის რაიონის საკონტროლო-გამშვებ პუნქტზე („ჩატეხილი ხიდი“) გააჩერეს ავტომობილი, რომელსაც აზერბაიჯანის მოქალაქე მართავდა. ავტომობილის დათვალიერებისას მებაჟეებმა სამალავებში აღმოაჩინეს 20 ფლაკონი Calcium folinate, 9 ფლაკონი Cytosar, 6 ფლაკონი Docetaxel AqVid, 20 ფლაკონი Gemcitabin, 98 ფლაკონი Ciklofosfan, 9 ფლაკონი Docetaxel Accord, 30 ფლაკონი Oxaliplatin, 30 ფლაკონი Oncosid და Oncofluor-ის 6 შეფუთვა.
კონტრაბანდის ფაქტზე მიმდინარეობს გამოძიება.
