16:14 04 დეკემბერი 2016
პირდაპირი ეთერი
სასკოლო მერხები

საქართველოში ფრიადოსნების რაოდენობა გაიზარდა

Cali4beach
საზოგადოება
მოკლე ბმულის მიღება
21 0 0

პერსონალურ კომპიუტერებს წლის ბოლომდე იმ მოსწავლეებს გადასცემენ, რომლებმაც მეცხრე კლასი წარმატებით დაასრულეს.

თბილისი, 19 ოქტომბერი — Sputnik. საქართველოს განათლებისა და მეცნიერების სამინისტრო 2 ათას 478 მოსწავლეს პერსონალურ კომპიუტერებს გადასცემს. მათ წარმატებით დაასრულეს ცხრა კლასი — სასკოლო განათლების საბაზისო საფეხური, იუწყება საინფორმაციო სააგენტო „ნოვოსტი-გრუზია“ უწყების პრეს-სამსახურის ინფორმაციაზე დაყრდნობით.

ფრიადოსნები კომპიუტერებს წლის ბოლომდე ეტაპობრივად მიიღებენ. განათლების მინისტრის მოადგილე ქეთევან ნატროშვილმა მცხეთის რაიონში საჯარო სკოლების 24 ფრიადოსანს საჩუქრები პირადად გადასცა.

„ჩვენ მაჩვენებლებს ქვეყნის მთელი მასშტაბით ვაკვირდებით და ეს მაჩვენებლები გაუმჯობესდა. თუ გასულ წელს საბაზისო საფეხური წარმატებით 1984-მა მოსწავლემ დაამთავრა, წელს მათი რაოდენობა უკვე 2478-ია“, — განაცხადა ნატროშვილმა.

მან აღნიშნა, რომ განათლების სამინისტროს სასწავლო გარემოს გაუმჯობესებისა და ცოდნის დონის გაზრდისკენ მიმართული ძალისხმევა შედეგს უკვე იძლევა.

სკოლის მოსწავლეების წახალისების პროექტი ყოველწლიურად ხორციელდება და მიზნად ისახავს მოტივაციის ამაღლებას, ასევე თანამედროვე ტექნოლოგიების ხელმისაწვდომობის გაზრდას, რათა შრომისმოყვარე მოსწავლეებს წარმატებების მიღწევის შესაძლებლობა ჰქონდეთ.

9 კლასის დასრულების შემდეგ მოსწავლეებს, სურვილისამებრ, შეუძლიათ სკოლის დატოვება და სწავლის პროფსასწავლებელში გაგრძელება. უმაღლეს სასწავლებელში სწავლის გაგრძელებისთვის აუცილებელია 12 კლასის დასრულების ატესტატი; თუმცა მათ, ვინ 9 კლასის შემდეგ პროფსასწავლებელს დაამთავრებს, ასევე აქვს უმაღლეს სასწავლებელში სწავლის გაგრძელების შესაძლებლობა.

მთავარი თემები