თბილისი, 24 აგვისტო — Sputnik. სანქტ-პეტერბურგული საგამომცემლო ცენტრი „ჰუმანიტარული აკადემია“ (Гуманитарная Академия) ფეხბურთის ცნობილი ქართველი და საბჭოთა კომენტატორის, კოტე მახარაძის წიგნის ხელახალ გამოცემას გეგმავს და კრაუდფანდინგით აგროვებს ფულს.
საუბარია 2001 წელს გამოცემულ წიგნზე „რეპორტაჟი მიკროფონის გარეშე“, რომელიც სპორტის, ხელოვნებისა და საქართველოს 1930-1980-იანი წლების ცხოვრების შესახებ მემუარულ ნარკვევებს მოიცავს.
განახლებულ გამოცემაში, რომელიც 2016 წლის ნოემბერში უნდა გამოიცეს კოტე მახარაძის 90 წლის იუბილესთან დაკავშირებით, იგეგმება ქვეთავის დამატება, რომელშიც მისი მეგობრებისა და კოლეგების ჩანაწერები შევა.
კრაუდფანდინგი მიმდინარეობს ვებ-გვერდზე planeta.ru.
კრაუდფანდინგი (ინგლ. сrowd funding, сrowd — ბრბო, funding — დაფინანსება) — ადამიანების კოლექტიური თანამშრომლობა, როდესაც ისინი ნებაყოფლობით უყრიან თავს ფულს ან სხვა რესურსს „ერთ ყულაბაში“ — როგორც წესი, ინტერნეტის მეშვეობით — რათა მხარი დაუჭირონ სხვა ადამიანების ან ორგანიზაციების ძალისხმევას.