Tbilisi Fashion Week - კლასიკიდან ავანგარდამდე და მოდერნამდე

© REUTERS / David MdzinarishviliTbilisi Fashion Week
Tbilisi Fashion Week - Sputnik საქართველო
გამოწერა
საქართველოში წლის ყველაზე მოდური მოვლენა - თბილისის მოდის კვირეული დასასრულს მიუახლოვდა. წლევანდელი მოდის კვირეული გაჯერებული იყო შოუს ელემენტებით და სტუმრები არა მარტო დადგმამ, არამედ დიზაინერების მიერ შერჩეულმა ადგილებმაც გააკვირვა, რომლებიც მათ ჩვენებისთვის შეარჩიეს.

ლიზა შელია

ჩვენებები თბილისის სხვადასხვა ადგილზე გაიმართა — ნახევრადდანგრეული და მიტოვებული შენობიდან დაწყებული, ყოფილი აბრეშუმის ფაბრიკითა და თბილისის ძველი სახლის აივნით დასრულებული. განათების ეფექტები, სწორად შერჩეული ადგილები კოლექციებს განსაკუთრებულ დატვირთვასა და იერს სძენდნენ. თბილისის მოდის კვირეულზე საკუთარი ნამუშევრები როგორც ცნობილმა, ისე დამწყებმა ქართველმა დიზაინერებმა წარმოადგინეს.

© © REUTERS/ David MdzinarishviliTbilisi Fashion Week-ზე თბილისის მოდის სახლი Atelier Marta ახალ კოლექციას წარმოადგენს
Tbilisi Fashion Week-ზე თბილისის მოდის სახლი Atelier Marta ახალ კოლექციას წარმოადგენს - Sputnik საქართველო
Tbilisi Fashion Week-ზე თბილისის მოდის სახლი Atelier Marta ახალ კოლექციას წარმოადგენს

დიზაინერებმა, ძირითადად, ქალის ტანსაცმელი წარმოადგინეს, თუმცა ზოგიერთმა საკუთარ კოლექციაში მამაკაცის კოსტიუმები, ძირითადად, „ქეჟუალის“ (ყოველდღიური ტანისამოსი) სტილის სამოსი ჩართო.

ზოგადად, ახალ სეზონზე ქართველი დიზაინერების შთაგონების წყარო ძლიერი ქალი გახდა. დიზაინერები საკუთარი ხედვის წარმოჩენას — როგორია ის, XXI საუკუნის ქალი — წარმოდგენილი ნიმუშების საშუალებით შეეცადნენ.

© FB / Tbilisi Fashion Weekმოდელი Tbilisi Fashion Week-ზე, დიზაინერი სალომე ტყაბლაძე
მოდელი Tbilisi Fashion Week-ზე, დიზაინერი სალომე ტყაბლაძე - Sputnik საქართველო
მოდელი Tbilisi Fashion Week-ზე, დიზაინერი სალომე ტყაბლაძე

თბილისის მოდის კვირეულზე საუკეთესო დამწყები დიზაინერი გამოვლინდა. ელენე გოცირიძემ, რომლის კოლექციასაც „სკანდინავიური ფოლკი“ ერქვა, უფლება მოიპოვა მომავალი წლის თბილისის მოდის კვირეულზე სრული კოლექცია წარმოადგინოს.

ასიმეტრიული სილუეტი, მოკლე შორტი თავისუფალ კოსტიუმთან შეხამებული, გვერდებზე ჩაჭრილი შარვალი, მოკლე ტოპები — ყოველივე ეს აქტიურად იყო გამოყენებული ქართველი დიზაინერების კოლექციებში.

დიზაინერ ლაშა ჯოხაძის ქალი — ელეგანტური, გრაციოზული და დახვეწილი გემოვნებისაა. დიზაინერმა საღამოს კაბები წარმოადგინა, რომელშიც ძირითადად შავი, თეთრი და წითელი ფერები იყო გამოყენებული. თითქმის ყველა კაბაზე დატანილი იყო თოლიები. სწორედ თოლია იყო ლაშა ჯოხაძის კოლექციის სიმბოლო.

© FB / Tbilisi Fashion Week - თბილისის მოდის კვირეულიმოდელი წარმოადგენს კაბას ლაშა ჯოხაძის კოლექციიდან, Tbilisi Fashion Week
მოდელი წარმოადგენს კაბას ლაშა ჯოხაძის კოლექციიდან, Tbilisi Fashion Week - Sputnik საქართველო
მოდელი წარმოადგენს კაბას ლაშა ჯოხაძის კოლექციიდან, Tbilisi Fashion Week

„წელს აქტუალური ცხოველების თემატიკაა, ყველაფერი ნატურალური და ბუნებრივი, შესაბამისად, თემატიკისთვის მე თოლია ავირჩიე. ფრთაგაშლილი თოლიას ნაქარგი სვაროვსკის თვლებითაა დაფარული“, — განაცხადა ჯოხაძემ.

© FB / Tbilisi Fashion Week - თბილისის მოდის კვირეულიმოდელი წარმოადგენს კაბას ლაშა ჯოხაძის კოლექციიდან, Tbilisi Fashion Week
მოდელი წარმოადგენს კაბას ლაშა ჯოხაძის კოლექციიდან, Tbilisi Fashion Week - Sputnik საქართველო
მოდელი წარმოადგენს კაბას ლაშა ჯოხაძის კოლექციიდან, Tbilisi Fashion Week

დიზაინერმა გიორგი თათანაშვილმა უფრო მეტი აქცენტი მოხერხებულ ტანსაცმელზე შეაჩერა და „ქეჟუალის“ სტილში შექმნილ ტანსაცმელს ავანგარდის ელემენტები დაამატა.

ახალი სეზონის მოდა, მთლიანობაში, მოულოდნელობებითაა აღსავსე. მან უნდა გაგაკვირვოთ, უფრო მეტიც, შოკი მოგგვაროთ ქსოვილების შეუსაბამობით, ტონალობითა და სტილით. იმისთვის, რომ მოდურად გამოიყურებოდეთ, უნდა შეძლოთ ყველას გაკვირვება.

© © REUTERS/ David Mdzinarishviliქართველი დიზაინერი Tatana-ს ტანსაცმლის ახალი კოლექცია Tbilisi Fashion Week-ზე
ქართველი დიზაინერი Tatana-ს ტანსაცმლის ახალი კოლექცია Tbilisi Fashion Week-ზე - Sputnik საქართველო
ქართველი დიზაინერი Tatana-ს ტანსაცმლის ახალი კოლექცია Tbilisi Fashion Week-ზე

მაგალითად, საკმაოდ მოულოდნელი აღმოჩნდა დიზაინერ ანი დათუკიშვილის ჩვენება, რომელმაც კოლექცია DALOOD-ის მარკით წარმოადგინა. დიზაინერის შთაგონების წყარო 90-იანი წლების გაფუჭებული ტელევიზორი გახდა. ის ხაზები და ფერები, რომლებიც ეკრანზე ჩნდებოდა, კოლექციის ნამუშევრებზე მაქმანების სახით იყო დატანილი.

© © REUTERS/ David Mdzinarishviliქართველმა დიზაინერმა ანი დათუკიშვილმა Tbilisi Fashion Week-ზე ახალი კოლექცია წარმოადგინა
ქართველმა დიზაინერმა ანი დათუკიშვილმა Tbilisi Fashion Week-ზე ახალი კოლექცია წარმოადგინა - Sputnik საქართველო
ქართველმა დიზაინერმა ანი დათუკიშვილმა Tbilisi Fashion Week-ზე ახალი კოლექცია წარმოადგინა

„მინდოდა მეჩვენებინა, ძლიერი ქალის უკან თუ როგორ იმალება საკმაოდ სუსტი არსება“, — აღნიშნა დათუკიშვილმა.

ბოტფორდები — ეს სეზონის ტრენდია, ტყავის, ნატის, ყველა ფერისა და ტონალობის. ბოტფორდები პალტოსა და მოკლე ქურთუკზე, გრძელ ქვედაბოლოსა და მინი კაბაზე — აქტუალურია პრაქტიკულად ყველა სტილზე.

ხავერდი, ტყავი, ბეწვი, ფერთა მრავალფეროვნება, სხვადასხვა ნაწიბური და თარგი — ყოველივე ეს შეიძლება ერთმანეთს მიუსადაგოთ და არ შეუშინდეთ ექსპერიმენტებსა და ფანტაზიებს. ბოტფორდები კარგი იქნება ნაქსოვ ჟაკეტებთან და კაბებთან, რომელსაც დიდი ორნამენტები ექნება.

© © REUTERS/ David Mdzinarishviliმოდელი Tbilisi Fashion Week-ის ჩვენებაზე წარმოადგენს ანი დათუკიშვილის ახალ კოლექციას
მოდელი Tbilisi Fashion Week-ის ჩვენებაზე წარმოადგენს ანი დათუკიშვილის ახალ კოლექციას  - Sputnik საქართველო
მოდელი Tbilisi Fashion Week-ის ჩვენებაზე წარმოადგენს ანი დათუკიშვილის ახალ კოლექციას

სეზონის ტრენდია ასევე მასიური საყურეები, სამაჯურები, სხვადასხვა გეომეტრიული ფიგურების ყელსაბამები. შავ-თეთრ ფერებში გადაწყვეტილი პატარა ზომის ჩანთები და სხვადასხვა თანამედროვე აქსესუარები წარმოადგინა ბრენდმა Éthéré Accessoire.

ქართველი დიზაინერების ყურადღების ცენტრში მოხვდა შიშველი მხრებიც. კაბები, მაისურები — ნებისმიერი ზედატანი ამოჭრილი მხრებით მოდურად ითვლება.

© © REUTERS/ David Mdzinarishviliქართველი დიზაინერის, Tamanini-ს ახალი კოლექცია Tbilisi Fashion Week-ზე
ქართველი დიზაინერის, Tamanini-ს ახალი კოლექცია Tbilisi Fashion Week-ზე - Sputnik საქართველო
ქართველი დიზაინერის, Tamanini-ს ახალი კოლექცია Tbilisi Fashion Week-ზე

დიდი ჯიბეები, შარვალი-შლაქსი, არასტანდარტული ფეხსაცმელი – თქვენი მოდურობის გარანტი გახდება.

თბილისის მოდის კვირეულს ბაერებთან ერთად უცხოური მოდის ჟურნალების რამდენიმე ათეული ჟურნალისტიც ესწრებოდა, რომლებიც საკუთარი ქვეყნის მოდის სამყაროს თბილისური მოდის შესახებ მოუთხრობენ. მანამდე კი ისინი საქართველოს მდიდარ კულტურასა და ღირსშესანიშნაობებს ეცნობიან.

© FB / Tbilisi Fashion Weekმოდელი Tbilisi Fashion Week-ზე წარმოადგენს კაბას მარიამ გვასალიას კოლექციიდან
მოდელი Tbilisi Fashion Week-ზე წარმოადგენს კაბას მარიამ გვასალიას კოლექციიდან  - Sputnik საქართველო
მოდელი Tbilisi Fashion Week-ზე წარმოადგენს კაბას მარიამ გვასალიას კოლექციიდან

მოდის კვირეული ამ სფეროს თაყვანისმცემლებს გაზაფხულამდე დაემშვიდობა. დასკვნითი ჩვენება აღმაშენებლის განახლებულ გამზირზე, ღია ცის ქვეშ გაიმართა, სადაც ნებისმიერ მსურველს შესაძლებლობა ჰქონდა 12 ქართველი დიზაინერის კოლექცია დაეთვალიერებინა.

ყველა ახალი ამბავი
0