გრიბოედოვის თეატრის 171-ე სეზონის გახსნა
როდის: 7 ოქტომბერი, 18:00
სად: გრიბოედოვის სახელობის თბილისის რუსული დრამატული თეატრი
დაწვრილებით: https://www.facebook.com/events/1743723582547551/
არ გამოტოვოთ პარასკევს გრიბოედოვის თეატრში 171-ე სეზონის გახსნა. მცირე დარბაზის სცენაზე გელოდებათ ფინელი დრამატურგის კრისტიან სმედსის პიესის მიხედვით დადგმული სპექტაკლი „გაყინული სურათები“. დადგმა რუსულ ენაზე ფინელ რეჟისორ იარი იუტინენს ეკუთვნის. სპექტაკლში მონაწილეობენ ახალგაზრდა „გრიბოედოველები“ ავთანდილ ვარსიმაშვილის სახელოსნოდან.
განუმეორებელი კევინ სპეისი
როდის: 7 ოქტომბერი 20:00
სად: პარკი „ახალი მზიური“
დაწვრილებით: https://www.facebook.com/events/337433226591442/
ტრადიციულ უფასო კინოჩვენებაზე ღია ცის ქვეშ ამერიკული ფსიქოლოგიური დრამის „კა-პექსი“ (K-PAX) სეანსი გაიმართება, რომელშიც მთავარ როლს კევინ სპეისი ასრულებს. მანჰეტენის ფსიქიატრიულ ინსტიტუტში შავსათვალიანი უცნაური კაცი მიჰყავთ. ის თავის თავს პროტს უწოდებს და ამტკიცებს, რომ მისი სამშობლო შორეულ პლანეტა კა-პექსზეა, საიდანაც დედამიწაზე წამიერად აღმოჩნდა. რა მოხდა შემდეგ — ამის გაგება ღია ცის ქვეშ კინოთეატრში შეგიძლიათ. ფილმი ქართულად არის გახმოვანებული.
მსოფლიო თქმულებები
როდის: 8 ოქტომბერი, 13:00
სად: საქართველოს მწერალთა სახლი (მაჩაბლის 13)
დაწვრილებით: https://www.facebook.com/events/320741748294259/
სამყაროს წარმოშობის, ბუნების მოვლენებისა თუ ღმერთების შესახებ სხვადასხვა ქვეყნების, კულტურების, ხალხების თქმულებებისა და მითების მოსმენა ბავშვებსა და მოზარდებს ლიტერატურულ საღამოზე შეუძლიათ. საღამოს საბავშვო მწერალი ვასო გულეური წარუძღვება.
გაუმარჯოს ზიპლაინს!
როდის: 8 და 9 ოქტომბერი, 9:00
სად: ჰაერში
დაწვრილებით: https://www.facebook.com/events/1663892567254420/
თუ ჯერ კიდევ არ გიცდიათ ზიპლაინი, გვერწმუნეთ, სწორედ ახლაა ამის დრო! ცნობისათვის: ზიპლაინი — ესაა დაშვება ადრენალინით და გრავიტაციის ძალის გამოყენებით, ფოლადის ბაგირით, მიწიდან ჰაერში. არის როგორც დღის, ისე ღამის ტურები ფოიერვერკებით. ერთი სიტყვით, მძაფრი შეგრძნებები გარანტირებულია!
მოუწყეთ თავს საშინელებათა ღამე
როდის: 8 ოქტომბერი, 23:00
სად: ბაჩაბლის 6
დაწვრილებით: https://www.facebook.com/events/1191775237556680/
საშინელებათა ღამის მოწყობა შეგიძლიათ სტივენ კინგის ნაწარმოებების მიხედვით გადაღებული ფილმების ჩვენებაზე. შეგიძლიათ ნახოთ ფილმები, რომლებიც გადაღებულია ისეთი მოთხრობების მიხედვით, როგორებიცაა The Mist, The Shining და It. სეანსზე დაგვიანება რეკომენდებული არ არის — იქ ბნელა და საშიშია!
პრომეთე: 25 წელი
როდის: 9 ოქტომბერი, 20:00
სად: სამეფო უბნის თეატრი (გია აბესაძის 10)
დაწვრილებით: https://www.facebook.com/events/314668128909008/
თბილისის საერთაშორისო თეატრალური ფესტივალის ქართული პროგრამის ფარგლებში გაიმართება სამეფო უბნის თეატრის სპექტაკლის „პრომეთე / დამოუკიდებლობის 25 წელი“ პრემიერა. ესაა ფსიქოლოგიურ-ტრაგიკული ისტორია-გახსენება საქართველოს დამოუკიდებლობის 25 წლის იუბილეზე პრომეთეს მითის ანარეკლში. ცალკეული ადამიანის ბიოგრაფია მთელი ქვეყნის კონცენტრირებული ისტორიაა. სად იშლება ზღვარი ბიოგრაფიასა და ისტორიას შორის და სად იბადება პერსონალური მითოლოგია? აქ ყველა ადამიანი არის გმირი და ყველა გმირი პრომეთესავით მიჯაჭვულია. სპექტაკლის რეჟისორია დათა თავაძე. ის ქართულ ენაზე ინგლისური ტიტრებით იქნება წარმოდგენილი.
როცა შექსპირს აცეკვებენ
როდის: 8 და 9 ოქტომბერი, 20:00
სად: კახა ბაკურაძის მოძრაობის თეატრი (აღმაშენებლის 182)
დაწვრილებით: https://www.facebook.com/events/290521711334133/
უილიამ შექსპირის „ქარიშხლის“ მიხედვით დადგმულ საცეკვაო პრემიერაზე კახა ბაკურაძის „მოძრაობის თეატრი“ გეპატიჟებათ. სპექტაკლი თბილისის საერთაშორისო თეატრალური ფესტივალის ფარგლებში გაიმართება. სპექტაკლში გვპირდებიან სამგანზომილებიან პროექციებს, მულტიპლიკაციას, აკრობატულ ნომრებს, საბრძოლო ხელოვნებას და, როგორც ყოველთვის, სხეულის მაღალპროფესიულ პლასტიკას.
ბეთჰოვენის მუსიკა
როდის: 9 ოქტომბერი, 19:30
სად: ჯანსუღ კახიძის მუსიკალურ-კულტურული ცენტრი (აღმაშენებლის 123/125)
დაწვრილებით: https://www.facebook.com/events/314668128909008/
ლუდვიგ ვან ბეთჰოვენის ნაწარმოებების კონცერტი საერთაშორისო მუსიკალური ფესტივალის „შემოდგომის თბილისი“ ფარგლებში გაიმართება. სცენაზე აჟღერდება ბეთჰოვენის მიერ 1806 წელს ვენაში დაწერილი მე-4 სიმფონია და კონცერტი ვიოლინოს, ჩელოს, ფორტეპიანოსა და ორკესტრისთვის; შეასრულებენ: თბილისის სიმფონიური ორკესტრი, დირიჟორია ვახტანგ კახიძე, სოლისტები — მუსიკოსები გერმანიიდან – მევიოლინე ევგენია ჟუკი, პიანისტი ილონა ჰაილინგლო და ვიოლონჩელისტი ალექსანდრ ჰულშოფი.
ჯონ ლენონის გახსენება
როდის: 9 ოქტომბერი, 21:00
სად: პაბი Nali (ლეო ქიაჩელის 4/1)
დაწვრილებით: https://www.facebook.com/events/613505925495382/
ლეგენდარული ბრიტანელი მუსიკოსის ჯონ ლენონის დაბადების დღე შეგიძლიათ თბილისში, მის ტრიბიუტ-კონცერტზე აღნიშნოთ. მუსიკოსის საუკეთესო ჰიტებს შეასრულებენ ქართველი შემსრულებლები ნიკა კოჩაროვი, ქეთი ორჯონიკიძე, Nali Band და Seltaeb. დასწრება თავისუფალია!
SPUTNIK სასიამოვნო უქმეებს გისურვებთ!