რა პირობით უნდა დარჩეს საპოლიციო გამოსახლება ძალაში?
„უნდა შემცირდეს სასამართლოში დავის განხილვის ვადები, დაახლოებით ისე, როგორც ხდება დანაშაულით მიყენებული ზიანის ანაზღარურების შემთხვევაში, როცა მოსამართლე შემჭიდროებულ ვადებში იხილავს საქმეს. ეს უფრო სწორი და ეფექტური იქნება დავის მონაწილე ორივე მხარისთვის. თავისუფლად შესაძლებელია, ერთ კონკრეტულ მოსამართლეს დაევალოს გამოსახლებასთან დაკავშირებული საქმეების მცირე დროში განხილვა“, – თვლის იურისტი ირაკლი ღლონტი.
საპოლიციო გამოსახლების ნორმა „ქართული ოცნების“ ხელისუფლებაში მოსვლის შემდეგ გაუქმდა. დიდუბის ოლქში მმართველი პარტიის მაჟორიტარი კანდიდატის ილია წულაიას განცხადებით, ეს არ იყო სწორი გადაწყვეტილება.
