ევროკავშირი საქართველოს საჯარო მმართველობის რეფორმისთვის 30 მლნ ევროს გამოუყოფს

© Fotolia / Grecaud Paulევროკავშირის დროშა
ევროკავშირის დროშა - Sputnik საქართველო
გამოწერა
საქართველოს პრემიერ-მინისტრი ევროკავშირთან შეთანხმების დეტალებზე პარასკევს ისაუბრებს.

თბილისი, 27 ოქტომბერი — Sputnik. ევროკავშირი საქართველოს საჯარო მმართველობის რეფორმირებისთვის 30 მლნ ევროს ოდენობის გრანტს გამოუყოფს, განაცხადა ქვეყნის პრემიერ-მინისტრმა გიორგი კვირიკაშვილმა მთავრობის სხდომაზე.

თბილისი - Sputnik საქართველო
WJP: კანონის უზენაესობის ინდექსში საქართველო რეგიონში ლიდერია

მთავრობის მეთაური შეთანხმების დეტალებზე საუბარს პარასკევს საქართველოში ევროკავშირის წარმომადგენლობის ხელმძღვანელ იანოშ ჰერმანთან ერთობლივ ბრიფინგზე გეგმავს.

„ეს ხაზს უსვამს იმას, რამდენად მნიშვნელოვანია საქართველოში ევროპული ტიპის მმართველობითი ინსტიტუციების ჩამოყალიბება. ჩვენ ძალიან დიდი ძალისხმევის გაწევა მოგვიხდება ამ მიმართულებით, რათა ასოცირების ხელშეკრულებით გათვალისწინებული ვალდებულებები სრულად შესრულდეს“, — განაცხადა კვირიკაშვილმა.

2014 წელს ევროკავშირმა და საქართველომ ხელი მოაწერეს ასოცირების შეთანხმებას, რომლის განუყოფელი ნაწილია შეთანხმება ღრმა და ყოვლისმომცველი თავისუფალი ვაჭრობის შესახებ.

ყველა ახალი ამბავი
0