მარნეულსა და ზუგდიდში საპარლამენტო არჩევნების მეორე ტური გაიმართება

გამოწერა
30 ოქტომბერს დანიშნული მეორე ტურის არჩევნები 73-დან 50 ერთმანდატიან ოლქში შედგება, სადაც ვერც ერთმა კანდიდატმა ვერ შეძლო ხმების 50%-ის მოგროვება. მარნეულისა და ზუგდიდის მაჟორიტარულ საარჩევნო ოლქებში არჩევნების მეორე ტური გაიმართება

თბილისი, 23 ოქტომბერი — Sputnik. განმეორებითი კენჭისყრის წინასწარი მონაცემების გათვალისწინებით, მარნეულისა და ზუგდიდის მაჟორიტარულ საარჩევნო ოლქებში არჩევნების მეორე ტური გაიმართება. 

როგორც ცესკო-ს სპიკერმა ანა მიქელაძემ განაცხადა, განმეორებითი კენჭისყრის შემაჯამებელი ოქმის გათვალისწინებით, წინასწარი მონაცემების მიხედვით, მარნეულის ოლქში საუკეთესო შედეგის მქონე ორი კანდიდატია — აკმამედ იმამკულიევი 10 026 ხმით, რაც ხმების საერთო რაოდენობის 48,11%-ს შეადგენს და თამაზ ნავერიანი 9051 ხმით, რაც საერთო რაოდენობის 43.43%-ია. 

ცესკო - Sputnik საქართველო
მარნეულში „ნაციონალური მოძრაობის“, ზუგდიდში კი „ქართული ოცნების“ კანდიდატმა გაიმარჯვა

მარნეულის 48-ე საარჩევნო უბანზე განმეორებითი კენჭისყრისას, წინასწარი მონაცემებით, ხმები ასე გადანაწილდა:

 საარჩევნო ბლოკი „პაატა ბურჭულაძე-სახელმწიფო ხალხისათვის“, ისრაფილ ბაირამოვი — 3 ხმა,

საარჩევნო ბლოკი „ნინო ბურჯანაძე-დემოკრატიული მოძრაობა“, ვეფხია გურგენიშვილი — 2 ხმა, 

„ერთიანი ნაციონალური მოძრაობა“, აკმამედ იმამკულიევი — 381 ხმა, 

„თამაზ მეჭიაური ერთიანი საქართველოსთვის“, ელდარ მუსტაფაევი — 4 ხმა,

 საარჩევნო ბლოკი „დავით თარხან-მოურავი, ირმა ინაშვილი-საქართველოს პატრიოტთა ალიანსი, გაერთიანებული ოპოზიცია“, ალი ისაევი — 7 ხმა, 

„საქართველო“, ომარ წამალაიძე — 1 ხმა, 

საარჩევნო ბლოკი „ჩვენები-სახალხო პარტია“, თეონა ქავთარია — 0 ხმა, 

„ქართული ოცნება-დემოკრატიული საქართველო“, თამაზ ნავერიანი — 313 ხმა.

რაც შეეხება ზუგდიდს, სამივე საარჩევნო უბნის განმეორებითი კენჭისყრის შემაჯამებელი ოქმის გათვალისიწინებით, წინასწარი მონაცემების მიხედვით, 66-ე ზუგდიდის მაჟორიტარულ ოლქში საუკეთესო შედეგის მქონე კანდიდატები არიან სანდრა რულოვსი 10 692 ხმით, რაც საერთო რაოდენობის 44.8%-ია და ედიშერ თოლორაია 11 607 ხმით, რაც ხმების 48.63%-ს შეადგენს.

ზუგდიდის სამ საარჩევნო უბანზე კი, განმეორებითი კენჭისყრის შედეგად წინასწარი მონაცემებით, ხმები ასე გადანაწილდა: 

საპარლამენტო არჩევნები საქართველოში - Sputnik საქართველო
საპარლამენტო არჩევნების მეორე ტური 30 ოქტომბერს გაიმართება

 საარჩევნო ბლოკი „პაატა ბურჭულაძე-სახელმწიფო ხალხისათვის“, ბესიკ თოდუა — 8 ხმა,

„ერთიანი ნაციონალური მოძრაობა“, სანდრა ელისაბედ რულოვსი — 438 ხმა,

„თამაზ მეჭიაური ერთიანი საქართველოსთვის“, ჯონი ზარანდია — 5 ხმა,

საარჩევნო ბლოკი „დავით თარხან-მოურავი, ირმა ინაშვილი-საქართველოს პატრიოტთა ალიანსი, გაერთიანებული ოპოზიცია“, ირაკლი ჩანგელია — 2 ხმა, 

„ზვიადის გზა-უფლის სახელით“, რამაზ ჩაჩიბაია — 2 ხმა, 

„ქართული ოცნება-დემოკრატიული საქართველო“, ედიშერ თოლორაია — 981 ხმა. 

ანა მიქელაძის განცხადებით, განმეორებითი კენჭისყრის წინასწარი მონაცემების გათვალისწინებით, ორივე მაჟორიტარულ საარჩევნო ოლქში არჩევნების მეორე ტური გაიმართება.

საპარლამენტო არჩევნები საქართველოში 8 ოქტომბერს ჩატარდა. განმეორებითი არჩევნების გამართვა სერიოზული დარღვევების გამო გახდა აუცილებელი.

ყიზილაჯლოს საარჩევნო უბანზე არჩევნები საარჩევნო უბნის მიმდებარედ არეულობის გამო შეწყდა, ხოლო ჯიხაშკარისა და განმუხურის უბნები ხმების დათვლის დროს დაარბიეს.

საქართველოში საპარლამენტო არჩევნების მეორე ტური 30 ოქტომბერს გაიმართება. მეორე ტური 73-დან 50 ერთმანდატიან ოლქში შედგება, სადაც ვერც ერთმა კანდიდატმა ვერ შეძლო ხმების 50%-ის მოგროვება. 

 

 

 

ყველა ახალი ამბავი
0