საარჩევნო უბნების დახურვისთანავე გამოქვეყნებული ეგზიტპოლების მონაცემები ერთმანეთისაგან განსხვავდება. ორივე ეგზიტპოლის მონაცემებით, პირველ ადგილზე მმართველი პარტია „ქართული ოცნებაა“, თუმცა პრინციპული მნიშვნელობა აქვს რამდენად ასწრებს იგი მთავარ კონკურენტს — „ერთიან ნაციონალურ მოძრაობას“.
ოთხი ტელეკომპანიის — „იმედის“, „მაესტროს“, GDS-ისა და საქართველოს საზოგადოებრივი მაუწყებლის დაკვეთით კომპანია TNS-ის ეგზიტპოლის თანახმად, დიდი უპირატესობით იგებს — „ქართული ოცნება — დემოკრატიული საქართველო“ – 53,8%-ით. „ერთიან ნაციონალურ მოძრაობას“ – 19, 5%.
მეორე ეგზიტპოლი საერთაშორისო კომპანია GfK-ს ტელეკომპანია „რუსთავი 2“-მა დაუკვეთა და იქ სხვაობა მმართველ პარტიასა და მის კონკურენტებს შორის გაცილებით ნაკლებია. „ქართული ოცნება — დემოკრატიული საქართველო“ – 39,9%, „ერთიანი ნაციონალური მოძრაობა“ – 32,7%.
