საქართველოს გარემოს დაცვისა და ბუნებრივი რესურსების სამინისტრო მოსახლეობას მოუწოდებს, რომ საყოფაცხოვრებო ნარჩენები მხოლოდ მკაცრად განსაზღვრულ ადგილებში გადაყარონ.
იმისთვის, რომ ნაგვის ურნასთან მიხვიდეთ, თქვენ მხოლოდ ოთხი წამი დაგჭირდებათ, ხოლო ნარჩენების დაშლისა და გადამუშავებისთვის ბუნებას არა თუ კვირები და თვეები, არამედ ასობით წელი სჭირდება.
საქართველოში საოჯახო ნარჩენების დახარისხება აუცილებელი 2019 წლიდან გახდება. მანამდე კი უწყებამ საზოგადოების ინფორმირებულობისთვის შესაბამისი კამპანია დაიწყო.
