ქრთამის აღების ფაქტზე მერიის თანამშრომელი დააკავეს

© фото - public domainხელბორკილები
ხელბორკილები - Sputnik საქართველო
გამოწერა
ქრთამის აღების ფაქტზე სამართალდამცველებმა თბილისის მერიის შპს „ავტოსერვისი 2016“-ის დირექტორი დააკავეს.

თბილისი, 8 დეკემბერი — Sputnik. საქართველოს ფინანსთა სამინისტროს საგამოძიებო სამსახურმა ქრთამის აღების ბრალდებით თბილისის მერიის კუთვნილი შპს „ავტოსერვისი 2016“-ის დირექტორი დააკავა, — ნათქვამია უწყების განცხადებაში. 

დაკავება - Sputnik საქართველო
ქრთამის აღების ფაქტზე ადიგენის ადმინისტრაციის თანამშრომელი დააკავეს

გამოძიების ინფორმაციით, ბრალდებულმა მერიის ბალანსზე არსებული, ავტო-ტექმომსახურებისთვის გათვალისწინებული ფართის მოქალაქისთვის სარგებლობაში გადაცემის სანაცვლოდ ერთ-ერთი საწარმოს წარმომადგენელს ქრთამის სახით გამოართვა 2 000 ლარი. საგამოძიებო სამსახურმა თანხა ნივთმტკიცების სახით ამოიღო.

გამოძიება ქრთამის აღების ფაქტზე მიმდინარეობს (საქართველოს სსკ-ის 338-ე მუხლის 1-ლი ნაწილით), რაც 6-დან 9 წლამდე ვადით თავისუფლების აღკვეთას ითვალისწინებს.

ყველა ახალი ამბავი
0