თბილისი, 5 დეკემბერი — Sputnik. სპეციალისტები სწავლობენ სიტუაციას საქართველო-რუსეთის საზღვრისკენ მიმავალ გზაზე, სადაც სატრანსპორტო მოძრაობა აკრძალულია, ნათქვამია გარემოს ეროვნული სააგენტოს შეტყობინებაში.
ინტენსიური თოვლისა და ზვავსაშიშროების გამო, მცხეთა-სტეფანწმინდა-ლარსის ცენტრალური ავტომაგისტრალის გუდაური-კობის მონაკვეთზე ყველა სახის ავტოტრანსპორტის მოძრაობა აკრძალულია.
„გარემოს ეროვნული სააგენტოს სპეციალისტების ჯგუფი, 5 დეკემბერს, გამთენიისას ადგილზე შეაფასებს ზვავსაშიშროების რისკს, რის შემდეგაც გაიცემა ადგილზე რეკომენდაცია საავტომობილო გზაზე მოძრაობის რეჟიმის აღდგენის შესახებ”, — აღნიშნულია შეტყობინებაში.
დღის განმავლობაში ჰაერის ტემპერატურა გზის ამ მონაკვეთზე 4-5 გრადუსი იქნება. სინოპტიკოსთა პროგნოზით, უნალექო ამინდია მოსალოდნელი 6 დეკემბერს.
